2018 جىلعى 12 ساۋىردە باكۋ قالاسىندا قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى بەرىك يماشيەۆ ازەربايجان رەسپۋبليكاسىنىڭ پرەزيدەنتتىك سايلاۋىندا تمد باقىلاۋشىلار ميسسياسى جۇمىسىنىڭ قورىتىندىلارى بويىنشا باسپا ءسوز كونفەرەنسياسىنا قاتىستى.
ميسسيا باسشىسى، تمد اتقارۋشى كوميسسياسىنىڭ ءتوراعاسى سەرگەي لەبەديەۆ 11 ساۋىردە بولعان مەرزىمنەن تىس پرەزيدەنتتىك سايلاۋى باسەكەلەستىك نەگىزىندە، ەركىن، اشىق جانە ازەربايجاننىڭ كونستيتۋسياسى مەن سايلاۋ كودەكسىنە ساي وتكەنىن ايتتى.
ق ر وسك ءتوراعاسى ب.يماشيەۆ تمد باقىلاۋشىلار ميسسياسى قۇرامىندا سايلاۋعا 34 قازاقستاندىق باقىلاۋشى ازەربايجاننىڭ 5 ايماعىندا جۇمىس اتقارعانىن اتاپ ءوتتى.
«ۇيىمداستىرۋدىڭ جانە سايلاۋدى وتكىزۋدىڭ جاقسى دەڭگەيىن، ايماقتىق سايلاۋ كوميسسيا مۇشەلەرىنىڭ جوعارعى بىلىكتىلىگىن جانە ولاردىڭ ءوز ەلىنىڭ سايلاۋ زاڭنامالارىن ءبىلۋىن ەرەكشە اتاپ ءوتىم كەلەدى. IT-تەحنولوگيالار مەن تەحنيكالىق قۇرالداردىڭ ىشىندە سايلاۋ ۋچاسكەلەرىندەگى ماركەرلەۋدى دە اتاپ وتكەن ءجون.
سايلاۋعا قاتىسۋدىڭ جوعارىلىعى حالىقتىڭ ەلەكتورالدىق-قۇقىقتىق مادەنيەتى جانە اشىق ەرىك بىلدىرە الۋعا بۇكىل جاعدايدىڭ جاسالعانىمەن بايلانىستى»، - دەدى ورتسايلاۋكوم باسشىسى.
سونداي-اق، ب.يماشيەۆ ازەربايجاننىڭ سايلاۋ كوميسسيالارى، ونىڭ ىشىندە تومەنگى دەڭگەيدەگى سايلاۋكومداردىڭ، مۇشەلەرىنىڭ كاسىبيلىگىن جوعارىلاتۋ تاجىريبەسى نازار اۋدارىپ ارنايى زەردەلەنۋى ءتيىس ەكەنىن اتاپ ءوتتى.
پىكىر قالدىرۋ