رەسەيلىك اكتەر كونستانتين كوردو-سىسويەۆ ءوز ايەلىن ولتىرگەنى ءۇشىن ۇزاق مەرزىمگە سوتتالدى، دەپ جازادى Qamshy.kz اقپارات اگەنتتىگى. بۇل تۋرالى لەنينگراد وبلىسى پروكۋراتۋراسى حابارلايدى.
اتالعان سوت 2016 جىلى ساۋىردە بولعان كىسى ولىمىنە ەر ادامدى ايىپتى دەپ تانىدى.
«سوتتالۋشى ايەل ادامنىڭ باسى مەن كەۋدەسىنەن قاتتى زاتپەن كەم دەگەندە 69 رەت ۇرعانى تەرگەۋ بارىسىندا انىقتالدى»، — دەلىنگەن پروكۋراتۋرا حابارلاماسىندا.
سوت كونستانتين كوردو-سىسويەۆتى 11 جىلعا سوتتادى. سونىمەن بىرگە، ايەلدىڭ وتباسىنا مورالدىق شىعىن رەتىندە ءبىر ميلليون رۋبل تولەۋگە مىندەتتەلەدى.
پىكىر قالدىرۋ