ماسكەۋدە وقىپ جاتقان قازاق قىزى عيماراتتىڭ ءتورتىنشى قاباتىنان قۇلاپ، زارداپ شەكتى، دەپ حابارلايدى Qamshy.kz اقپارات اگەنتتىگى موسكوۆسكيي كومسومولەس سايتىنا سىلتەمە جاساپ. 21 جاستاعى بويجەتكەن – ماسكەۋ مەملەكەتتىك حالىقارالىق قاتىناستار ينستيتۋتىنىڭ 4-كۋرس ستۋدەنتى.
بەيرەسمي اقپاراتتارعا سۇيەنسەك، قىز بالا داعىستاندىق جىگىتپەن كەزدەسىپ ءجۇرىپتى. ولار تۇسكى ءۇزىلىس كەزىندە اڭگىمەلەسىپ تۇرعان ۋاقىتتا ارالارىندا جانجال شىعىپ، جىگىت قىزدى تەرەزەدەن يتەرىپ جىبەرگەن. ابىروي بولعاندا قىزدىڭ قۇلاعان جەرى توپىراق بولىپ، امان قالدى.
بويجەتكەن جەدەل جاردەممەن اۋرۋحاناعا جەتكىزىلگەن. الدىن الا مالىمەتتەر بويىنشا، قىز باس جاراقاتىن الىپ، سۇيەكتەرى سىنعان.
جەرگىلىكتى پوليسيا وكىلدەرى وسى ىسكە قاتىستى تەرگەۋ جۇرگىزىپ جاتىر.
