وزبەكستان شەتەلگە باراتىن ەڭبەك ميگرانتتارىنا ارناپ 100 اۆتوبۋس ساتىپ الادى، دەپ حابارلايدى Qamshy.kz اقپارات اگەنتتىگى ءتىلشىسى وزبەكستان رەسپۋبليكاسى جۇمىسپەن قامتۋ جانە ەڭبەك قاتىناستارى مينيسترلىگىنىڭ سايتىنا سىلتەمە جاساپ.

سىرتقى ەڭبەك ميگراسياسى اگەنتتىگىنىڭ باسشىسى يبراگيموۆتىڭ ايتۋىنشا، سوڭعى جىلدارى بيلىك تاراپىنان شەتەلدەگى ەڭبەك ميگرانتتارىنىڭ جاعدايىن جاقسارتۋعا كۇش سالىپ كەلەدى.

«اتاپ ايتقاندا، «وزبەكستان تەمىر جولدارى» اق جانە «وزبەكستان اۋە جولدارى» ۇاك ۋاقىتشا جۇمىس ىستەۋ ماقساتىمەن شەتەلگە شىعاتىن وزبەكستاندىقتارعا بيلەتتەردى 20 پايىزدىق جەڭىلدىكپەن ساتىپ جاتىر»، - دەيدى ول.

بۇدان بولەك، اعىمداعى جىلى اۆتوبۋسپەن حالىقارالىق جولاۋشىلار تاسىمالىن جۇزەگە اسىراتىن ارناۋلى كومپانيا قىزمەتىن باستايدى. كومپانيا ءۇشىن 100 اۆتوبۋس ساتىپ الىنىپ، ولار وزبەكستاننىڭ ءتۇرلى وڭىرلەرىنەن شەتەلگە قاتىناي باستايدى.