"قازاقستان" رەسپۋبليكالىق تەلەراديوكورپوراسياسىنىڭ شاقىرتۋىمەن تانىمال "كەلىن" ءۇندى تەلەحيكاياسىنىڭ باستى رولدەرىنىڭ ءبىرى، شيۆا ءرولىن سومداۋشى سيدحارت شۋكحلا 27 اقپان-2 ناۋرىز ارالىعىندا استانا جانە الماتى قالالارىنا كەلەدى.
2012 جىلدان بەرى قازاقستاندا ءۇندىنىڭ تەليەۆيزيالىق كورسەتىلىمىنىڭ "كەلىن" تەلەحيكاياسى ۇزدىك بولىپ كەلەدى. ادەمى كەيىپكەرلەر، جاقسى دۋبلياج، ادەمى قويىلىم رەيتينگ كورسەتكىشتەرىنىڭ وسۋىنە وڭ ىقپال جاسادى.
"كەلىن" ءۇندىستانداعى تانىمال تەلەحيكايالاردىڭ ءبىرى. كينودا الەۋمەتتىك داستۇرلەر تاقىرىبى قوزعالادى. تەلەحيكايا تۋعان ەل مەن قارا شاڭىراقتى ءسۇيىپ، اتا ءداستۇردى قۇرمەتتەۋگە شاقىرادى. بۇل تۇرعىدان العاندا، "كەلىن" تەلەحيكاياسى "قازاقستان" تەلەارناسىندا ەفيرگە شىعاتىن وتباسى مەن وتباسىلىق قۇندىلىقتاردى دارىپتەۋگە باعىتتالعان وتاندىق "قارا شاڭىراق" تەلەحيكاياسىمەن ءساتتى ۇندەسىپ جاتىر.
ايتا كەتەيىك، سيدحارت شۋكحلا مۋمبايدا دۇنيەگە كەلگەن. 2008 جىلدان بەرى اكتەر شەبەرلىگىن شىڭداپ كەلەدى. بۇدان بۇرىن ءسان بيزنەسىندە قىزمەت اتقارعان.
"جۇلدىزدارمەن بي بيلەۋ" شوۋىنا قاتىسقان. ۇستەل تەننيسىمەن جانە فۋتبولمەن شۇعىلدانادى. 2013 جىلى ءۇندىنىڭ تەليەۆيزيا اكادەمياسى سيدحارتقا "جىل ءارتىسى" اتاعىن بەرگەن بولاتىن. سول جىلى جىل سايىنعى "Zee Gold Awards" تۆ سىيلىعىنىڭ نۇسقاسى بويىنشا ول ەڭ "دەنەلى" اكتەر اتاندى.
ءۇندىنىڭ "Stardust" كينو تۋرالى جۋرنالى 2014 جىلى ونى كينويندۋسترياد اعى "ءۇمىت كۇتەتىن جاس اكتەرلەردىڭ ءبىرى" دەپ باعالاعان بولاتىن. ال ءۇندىنىڭ جىل سايىنعى "Filmfare Awards" كينوسىيلىعى ءۇندى تىلىندە تۇسىرىلگەن فيلمدەردەگى جەتىستىكتەرى ءۇشىن سيدحارتتى "ەرلەر دەبيۋتى-2015" سىيلىعىنا ۇسىندى.
قازىرگى ۋاقىتتا سيدحارت ءۇندىنىڭ بەلگىلى پروديۋسەرى كاران دجوحارمەن ءۇش فيلمگە ءتۇسۋ ءۇشىن شارتقا قول قويدى.
