كازاق بوكسشىسى قانات يسلام (25–0، 20 كو) كەزەكتى جەكپە-جەگىنە جاتتىعۋىن جالعاستىرىپ جاتىر، دەپ حابارلايدى Qamshy.kz اقپارات اگەنتتىگى Sports.kz سايتىنا سىلتەمە جاساپ.

«قازاقتىڭ» ءبىر جاتتىعۋىندا ESNews تەلەارناسىنىڭ رەپورتەرى ەلي سەكباح بولىپ، وتانداسىمىزعا بىرنەشە ساۋال قويدى.

— كانات، سەن 25 جەكپە-جەكتىڭ بىردە-بىرىندە جەڭىلمەگەنسىڭ بە؟ جاقسى رەكورد.

— ماعان قارسىلاس تاۋىپ بەرىڭدەرشى (جىميادى).

— دجەرمەللوم چارلومەن ايقاسار ما ەدىڭ؟ «كانەلومەن» شە؟

— ءيا، قۋانا-قۋانا جۇدىرىقتاسار ەدىم (كۇلەدى).

— ال GGG-مەن شە؟

— ول 160 فۋنتتا عوي.

— تاياۋدا جەكپە-جەك وتكىزەسىڭ بە؟

— ءيا.

قانات يسلام سوڭعى رەت رينگكە استانادا بىلتىر قىركۇيەكتە شىقتى. ول كەزدە كانادالىق برەندون كۋكتى تەحنيكالىق نوكاۋتپەن جەڭگەن. قاناتتىڭ كەلەسى جەكپە-جەگى لاس-ۆەگاستا وتەدى دەپ جوسپارلانىپ وتىر. ۋاقىتى مەن قارسىلاسى ازىرگە بەلگىسىز.