بۇگىن ۇكىمەت باسشىسى باقىتجان ساعىنتايەۆ رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكينمەن كەزدەسۋ وتكىزدى، دەپ حابارلايدى Qamshy.kz اقپارات اگەنتتىگى primeminister.kz سايتىنا سىلتەمە جاساپ.

كەزدەسۋ بارىسىندا قازاقستان مەن رەسەي اراسىنداعى ەكىجاقتى جانە ينتەگراسيالىق ءوزارا ءىس-قيمىل، ءوڭىرارالىق جانە شەكارا بويىنداعى ىنتىماقتاستىق، ساۋدا-ەكونوميكالىق جانە مادەني-گۋمانيتارلىق سالالارداعى سەرىكتەستىكتى كەڭەيتۋ ماسەلەلەرى تالقىلاندى.

باقىتجان ساعىنتايەۆ الەكسەي بوروداۆكيندى رەسەي فەدەراسياسىنىڭ توتەنشە جانە وكىلەتتى ەلشىسى قىزمەتىنە تاعايىندالۋىمەن قۇتتىقتاپ، جوعارى جانە جاۋاپتى لاۋازىمدا تابىستار مەن جەتىستىكتەر تىلەدى جانە بۇل تاعايىنداۋدىڭ قازاقستان-رەسەي ىنتىماقتاستىعىن نىعايتۋعا جانە دامىتۋعا ىقپال ەتەتىنىنە سەنىم ءبىلدىردى.

الەكسەي بوروداۆكين رەسەيدىڭ قازاقستانداعى توتەنشە جانە وكىلەتتى ەلشىسى بولىپ 2018 جىلدىڭ اقپانىندا تاعايىندالدى. ول بۇعان دەيىن قازاقستاندا 11 جىل جۇمىس ىستەگەن ميحايل بوچارنيكوۆتى الماستىردى.