پەتروپاۆلدا ەكى قاباتتى ءۇيدىڭ قاسبەتى وپىرىلا قۇلاپ، تۇرعىندار دالادا قالدى. قۇتقارۋشىلار وقيعا ورنىنان 8 ادامدى سىرتقا شىعاردى، ەكەۋى بالا، دەپ حابارلايدى Qamshy.kz اقپارات اگەنتتىگى حابار 24-كە سىلتەمە جاساپ.

ايتەۋىر زارداپ شەككەندەر جوق. 1950 جىلدارى تۇرعىزىلعان تۇرعىن ءۇي وسىدان ءتورت جىل بۇرىن اپاتتى دەپ تانىلعان ەكەن. دەگەنمەن، بۇگىنگى كۇنگە دەيىن مۇندا ءۇش وتباسى، جالپى 13 ادام تۇرىپ كەلگەن. «بەرەكە» شاعىناۋدانىنىڭ تۇرعىندارى وسى  ماڭداعى تاعى ءبىر ءۇي قۇلاعالى تۇر دەپ دابىل قاعىپ وتىر. ول دا اپاتتى جاعدايدا تۇر ەكەن. 

«سىرتقا تەك كيىم-كەشەگىمدى شىعارىپ ۇلگەردىم. جيھاز، قۇجات، ءبارى ۇيدە قالدى. ىشكە ەشكىمدى كىرگىزبەي جاتىر. ايتەۋىر بارلىعى امان»، -دەيدى قالا تۇرعىنى الەتا ءسىچوۆا. قالا اكىمى مارات تاسماعانبەتوۆتىڭ ايتۋىنشا، اپاتتى دەپ تانىلعان ۇيلەردىڭ تۇرعىندارىن باسپانامەن قامتاماسىز ەتەتىن تۇرعىن ءۇي قورى جوق.

«سوندىقتان سىزدەردى ازىرگە ۋاقىتشا پاتەرلەرگە ورنالاستارامىز. الداعى ۋاقىتتا بۇل ماسەلەنى شەشەتىن بولامىز»، -دەيدى ول.