بەينەۋ تۇرعىنى وگەي بالاسىن ولتىرگەنى ءۇشىن سوتتالدى، دەپ حابارلايدى Lada.kz.

سوت ايەلدىڭ ءوز كىناسىن مويىنداعانىن جانە ونىڭ كامەلەتكە تولماعان ءتورت بالاسىنىڭ بارىن، ونىڭ بىرەۋى مۇگەدەك ەكەنىن ەسكەرىپ، تۇرسىناي سارسەنوۆانى ق ر قىلمىستىق كودەكسىنىڭ 2-بابى بويىنشا (كامەلەتكە تولماعان تۇلعانى ادەيى ءولتىرۋ) كىنالى دەپ تاپتى. سونداي-اق، ونىڭ كىناسىن جەڭىلدەتەتىن جاعدايلاردى ەسكەرىپ، ق ر قك-نىڭ اتالعان بابىنا سايكەس وعان ەڭ از مەرزىم - 15 جىلعا ۇكىم شىعاردى.

ءجاسوسپىرىمنىڭ تۋعان اناسى كامشات قوجاكوۆا جۋرناليستەرگە ۇكىممەن كەلىسەتىنىن جەتكىزدى.

تۇرسىناي سارسەنوۆانىڭ جاقىندارى كەرىسىنشە، سوت شەشىمىن تىم قاتاڭ دەپ ەسەپتەپ، جوعارى ينستاسيالارعا شاعىم تۇسىرمەك.

— ەندى ءتورت بالا اناسىز، جەتىم قالۋ كەرەك پە؟ مەن تۇرسىنايدىڭ جازاسىن وتەۋىن كەيىنگە قالدىرىلۋىن نەمەسە ۇكىمنىڭ جەڭىلدەتىلۋىن قالايمىن. ول جاقسى انا جانە ونىڭ ءوز بالالارىمەن دە، نۇرسۇلتانمەن دە ەشقاشان ەشبىر كيكىلجىڭى بولعان ەمەس. ءدال سول كۇنى نە بولعانىن بىلمەيمىن، - دەدى كوز جۇمعان ءجاسوسپىرىمنىڭ اكەسى قايرات اسانوۆ.

ەستەرىڭىزگە سالا كەتەيىك، ادام ءولتىرۋ وقيعاسى اعىمداعى جىلدىڭ قاڭتار ايىندا بولدى. 20 جەردەن پىشاقتالعان بالانىڭ دەنەسى قورادان تابىلعان ەدى.