پ.چايكوۆسكيي اتىنداعى الماتى مۋزىكالىق كوللەدجى كاۋكەن كەنجەتايەۆ جانە شابال بەيسەكوۆ اتىنداعى II حالىقارالىق ۆوكاليستەر كونكۋرسىن وتكىزدى.

ءساۋىر ايىنىڭ 25 ءشى جۇلدىزى كۇنى پ.چايكوۆسكيي اتىنداعى الماتى مۋزىكالىق كوللەدجىنىڭ ە.سەركەبايەۆ اتىنداعى ۇلكەن زالىندا كاۋكەن كەنجەتايەۆ جانە شابال بەيسەكوۆ اتىنداعى II حالىقارالىق ۆوكاليستەر كونكۋرسىنىڭ سالتاناتتى اشىلۋى ءوتىپ ارى قاراي بايقاۋ باستالىپ كەتتى. بايقاۋدىڭ باستى سەرىكتەسى – ق ر ەلباسى تۇڭعىش پرەزيدەنت قورى. كونكۋرستىڭ باستى ماقساتى - قازاق وپەرا ونەرىنىڭ تالانتتى ورىنداۋشىلارىن شىعارۋ. قازاقستاننىڭ كاسىبي مۋزىكاسىن دامىتۋعا ۇلكەن ۇلەستەرىن قوسقان، وپەرا ونەرىنىڭ ايگىلى قايراتكەرلەرى كاۋكەن كەنجەتايەۆ پەن شابال بەيسەكوۆتىڭ ەسىمدەرىن قايتا جاڭعىرتۋ. بەرىلگەن جوبا ەلباسىمىز ن.نازاربايەۆتىڭ ۇلتتىق مادەنيەتىمىز جانە ونىڭ شىعۋ تاريحىن قايتا جاڭعىرتۋ جونىندە ايتىلعان «رۋحاني جاڭعىرۋ. بولاشاققا باعدار» اتتى ماقالاسىنان تامىر العان بولاتىن.

ەكىنشى حالىقارالىق ۆوكاليستەر كونكۋرسىنا قازاقستان رسەپۋبليكاسىنىڭ تۇكپىر-تۇكپىرىنەن كەلگەن 60قا جۋىق ستۋدەنت قاتىستى. بايقاۋدىڭ ءادىلقازىلار القاسى حافيز ەسيموۆ – پروفەسسور، ق ر حالىق ءارتىسى، گۋلزات داۋربايەۆا –ق ر ەڭبەگى سىڭىرگەن قايراتكەرى، اباي اتىنداعى قماوبت ورىنداۋشىسى، ءتورايىمى – تورعىن سمايلوۆا، قۇرمانعازى اتىنداعى قازاق ۇلتتىق كونسەرۆاتورياسىنىڭ «ۆوكال ونەرى» كافەدراسىنىڭ مەڭگەرۋشىسى زينا سارىگۋلوۆا – دوسەنت (قىرعىزستان)، تاناگۋل بەكنازاروۆا – پ.چايكوۆسكيي اتىنداعى الماتى مۋزىكالىق كوللەدجىنىڭ «اكادەميالىق ءان سالۋ» ءبولىمىنىڭ مەڭگەرۋشىسى سىندى تۇلعالاردان قۇرالدى.

كونكۋرستىڭ ناتيجەسى بويىنشا باس جۇلدە يەگەرى ەركينبايەۆ جانداربەك – الماتى ق.، ج.ەلەبەكوۆ اتىنداعى ەسترادا سيرك كوللەدجى،

1 ورىن

كادىرحانوۆ مەرەي- اعايىندى ابدۋلليندەر اتىنداعى شقو ونەر ۋچيليششەسى،

2 ورىن

1. ءابدىاشىم ۇلى ايبەك- استانا ق.، قازاق ۇلتتىق ونەر ۋنيۆەرسيتەتى (كوللەدج)

2. جاقسىلىق ميراس استانا ق.، قازاق ۇلتتىق ونەر ۋنيۆەرسيتەتى (كوللەدج)

3. سۇلتان ءادىل- استانا ق.، قازاق ۇلتتىق ونەر ۋنيۆەرسيتەتى (كوللەدج

3 ورىن

1. ساماتوۆ ماقسات - ج.ەلەبەكوۆ اتىنداعى ەسترادا سيرك كوللەدجى،

2. شونوۆ سامات- پ.چايكوۆسكيي اتىنداعى الماتى مۋزىكالىق كوللەدجى

3. مۇسا دامير- پ.چايكوۆسكيي اتىنداعى الماتى مۋزىكالىق كوللەدجى

4. مادەنيەتوۆا ەركەجان- الماتى ق.، ا.جۇبانوۆ اتىنداعى دارىندى بالالارعا ارنالعان قازاق ورتا مامانداندىرىلعان مۋزىكا مەكتەپ-ينتەرناتى

پ.چايكوۆسكيي اتىنداعى الماتى مۋزىكالىق كوللەدجى ديرەكتورىنىڭ ارنايى سىيلىعى

1. سەرىكباي ۇلى شىڭعىس- پ.چايكوۆسكيي اتىنداعى الماتى مۋزىكالىق كوللەدجى