«ازىرەت سۇلتان» قورىق مۋزەيىنىڭ ۇجىمى مادەنيەت ءمينيسترىنىڭ Street workout KZ ەستافەتاسىن قابىلدادى.

«ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قىزمەتكەرلەرى ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىمەن ءوتىپ جاتقان Street workout KZ بويىنشا ەستافەتانى قابىلداپ،  قاسيەتتى جۇماداعى جۇمىس كۇنىن سالاۋاتتى ءومىر سالتىن قالىپتاستىرۋعا ارناپ، باستاماعا ءۇن قوستى.

باستامانىڭ باستى ماقساتى – قازاقستانداعى بۇقارالىق سپورتتى ناسيحاتتاۋ بولىپ تابىلادى. Street Workout - بۇل كوشەدەگى جاپپاي سپورتتىڭ قارقىندى دامىپ كەلە جاتقان ءتۇرى. ارنايى تەحنيكانى تالاپ ەتپەيدى: بارلىعى قاراپايىم، ول ءۇشىن كوشەدەگى تۋرنيكتەر مەن ارقاندار جەتكىلىكتى.

شارا بارىسىندا قورىق-مۋزەي ديرەكتورى نۇربولات قادىر ۇلى احمەتجانوۆ «ءبىز «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قىزمەتكەرلەرى مادەنيەت جانە سپورت ءمينيسترى ارىستانبەك مۇحامەدي ۇلىنىڭ Street workout KZ اكسياسىن قولدايمىز. قورىق-مۋزەيدىڭ قىزمەتكەرلەرى بۇقارالىق سپورتپەن ءاردايىم اينالىسادى، بۇل ءبىزدىڭ ءومىرىمىزدىڭ ءداستۇرى. بۇگىنگى اكسيانى ءبىز ءوزىمىزدىڭ ارىپتەستەرىمىز تاراز قالاسىنداعى «ەجەلگى تاراز ەسكەرتكىشتەرى» قورىق-مۋزەيىنە تابىستايمىز. جاساسىن سپورت، جاسا قازاقستان!» - دەپ ەستافەتانى تاراز قالاسىنا جولدادى.

ەسكە سالا كەتسەك، «Street Workout KZ» اكسياسىن جۋىردا عانا ق ر مادەنيەت جانە سپورت ءمينيسترى ارىستانبەك مۇحامەدي ۇلى باستاپ بەرگەن بولاتىن. ارىستانبەك مۇحامەدي ۇلى جوبانى ءوزى باستاپ، «Street Workout KZ» بايقاۋىن - وليمپيادا چەمپيونى سەرىك ساپييەۆكە، تانىمال ءانشى قايرات نۇرتاسقا، تانىمال قازاقستاندىق اكتەر ءادىل احمەتوۆكە جولداعان ەدى.