ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى 5 مامىر كۇنى امەريكالىق ۆانەس مارتيروسيانمەن (36-3-1، 21 كو) وتەتىن كەزدەسۋىنەن كەيىنگى جوسپارىمەن ءبولىستى، دەپ حابارلايدى vesti.kz. 

گولوۆكين مەن مارتيروسيان اراسىنداعى كەزدەسۋ كارسون قالاشىعىندا (كاليفورنيا شتاتى، اقش) StubHub Center سپورت كەشەنىندە وتەدى. نەگىزى ءاۋ باستا وتانداسىمىز ساۋل "كانەلو" الۆارەسپەن (49-1-2، 34 كو) كەزدەسۋى كەرەك ەدى. ءبىراق جەكپە-جەككە ەكى اي قالعاندا مەكسيكالىق بوكسشىسى دوپينگپەن ۇستال قالدى. سودان سوڭ جەكپە-جەك وتپەيتىن بولدى. ەندى الۆارەستىڭ جازا مەرزىمى 17 تامىزدا اياقتالادى. ال ول كەلەسى كەزدەسۋىن قىركۇيەك ايىندا وتكىزۋگي نيەتتى. 

گولوۆكيننىڭ ايتۋىنشا، الۆارەسپەن قىركۇيەك ايىندا جەكپە-جەك وتكىزۋ، ونىڭ باستى ماقساتى ەكەن. سونداي-اق مۇنداي كەزدەسۋلەر بارلىق بوكسشىلارعا ءتيىمدى. 

"كانەلوعا" قارسى كەزدەسۋ - بوكسشىلار ءۇشىن دە، ۇيىمداستىرۋشىلار ءۇشىن دە ۇلكەن تابىس تۇسىرەتىن جەكپە-جەك. ەگەر كەلىسىمگە كەلسە، مەن قىركۇيەك ايىندا جەكپە-جەك وتكىزۋگە دايىنمىن. 

"كانەلومەن" كەزدەسۋ - باستى ماقساتىم. قىركۇيەك ايىندا ونىمەن جەكپە-جەك وتكىزۋ ءۇشىن بارلىعىن جاسايمىن. دجەرمالل چارلو جانە بيللي دجو سوندرەس سەكىلدى مىقتى بوكسشىلاردىڭ دا بار ەكەنىن بىلەمىن. ءبىراق مەن ءقازىر 5 مامىر كۇنى وتەتىن كەزدەسۋگە تىڭعىلىقتى دايىندالىپ جاتىرمىن. سولان سوڭ الۆارەسپەن كەزدەسۋ تۋرالى سويلەسەمىز. بارلىق جانكۇيەرلەر بۇل كەزدەسۋدى اسىعا كۇتىپ وتىر. ال مەن وعان دايىنمىن"، - دەپ كەلتىرەدى گولوۆكيننىڭ ءسوزىن Boxingscene.com پورتالى.