«قتج»  ۇك» اق-دا وندىرىسكە ۇسىنىستارى ەنگىزىلىپ، ەكونوميكالىق تيىمدىلىك  اكەلگەن ۇزدىك راسيوناليزاتورلارمەن كەزدەسۋ وتكىزىلدى، دەپ حابارلايدى Qamshy.kz اقپارات اگەنتتىگى «قتج «ۇك» اق  باسپا ءسوز قىزمەتىنە سىلتەمە جاساي وتىرىپ.

2017 جىلى ۇلتتىق تاسىمالداۋشى كومپانيانىڭ قۇرىلىمدىق بولىمشەلەرىندە وندىرىسكە 255 راسيوناليزاتورلىق ۇسىنىس ەنگىزىلدى. ءوندىرىستى جەتىلدىرۋ جوبالارى نەگىزىنەن، جول قوزعالىسى قاۋىپسىزدىگىن قامتاماسىز ەتۋ، ەكولوگيا، ەڭبەكتى قورعاۋ، جىلۋ-ەكونوميكالىق رەسۋرستاردى ۇنەمدەۋ جايلارىنا ارنالدى. جاڭا شەشىمدەر جوندەۋ جۇمىستارىن جاقسارتۋ جانە جىلجىمالى قۇرام تارتىمىن پايدالانۋعا ارنالدى. سونىڭ ناتيجەسىندە 435 ميلليون تەڭگە ۇنەمدىلىككە قول جەتكىزىلدى.

«قتج-جۇك تاسىمالى» اق قۇرىلىمدىق بولىمشەلەرى اراسىنداعى ءۇش جۇزگە جۋىق ونەرتاپقىشتاردىڭ ىشىندە اقمولا، قوستاناي، پاۆلودار، سەمەي، الماتى، شىمكەنت جۇك تاسىمالى بولىمشەلەرىنىڭ راسيوناليزاتورلارى بەلسەندىلىك تانىتتى.

«قتج –جۇك تاسىمالى» اق تەحنيكالىق ساياسات جونىندەگى ۆيسە-پرەزيدەنتىنىڭ مىندەتىن اتقارۋشى يۆان كوستىريانىڭ ايتۋىنشا، كومپانيادا تەحنيكالىق شىعارماشىلىقتى دامىتۋ مەن راسيوناليزاتورلىق ۇسىنىستاردى قولداۋعا ەرەكشە كوڭىل بولىنگەن.

«راسيوناليزاتوردىڭ ۇسىنىسىن باعالاۋ كەزىندە نەگىزىنەن، ەكونوميكالىق تيىمدىلىگى، جاڭاشىلدىعى، دارالىعى، وندىرىسكە ەنگىزىلگەننەن كەيىنگى بولاشاعىنا تالداۋ جۇرگىزىلەدى»،-دەپ اتاپ ءوتتى ي. كوستىريا.

    -راسيوناليزاتورلىق ۇسىنىستاردى قولداۋسىز جاڭاشىلدىققا قول جەتكىزۋ مۇمكىن ەمەس. ءبىزدىڭ الدىمىزدا تەمىرجول كولىگى ەڭبەككەرلەرىنىڭ تەحنيكالىق شىعارماشىلىعىن كوتەرىپ، ءوز ەڭبەگىنىڭ جەمىسىن كورۋگە مورالدىق جانە ماتەريالدىق ىنتالاندىرۋ ماقساتىن ۇستانىپ وتىرمىز. الداعى ۋاقىتتا «قتج-جۇك تاسىمالى» اق «20 ۇزدىك راسيوناليزاتورلىق ۇسىنىس» رەيتينگىن ەنگىزۋدى جوسپارلاپ وتىر. سونىڭ نەگىزىندە جاڭاشىلدىق شەشىمدەردىڭ يەلەرى كادرلىق قورعا تىركەلەدى. راسيوناليزاتورلاردىڭ لاۋازىمدىق باسقىشتارمەن تابىستى كوتەرىلۋىنە ىقپال ەتەتىن بولادى»،-دەپ ءتۇسىندىردى ي. كوستىريا.

    ۇزدىك راسيوناليزاتورلىق جۇمىستاردىڭ اۆتورلارىنا سىياقى تابىس ەتىلەدى. ماراپات كولەمى راسيوناليزاتوردىڭ وندىرىسكە ەنگىزگەن جاڭاشىلدىعىنىڭ تيىمدىلىگى مولشەرىنە، تەحنيكالىق تاپسىرمانى ورىنداۋداعى شەشىمىنىڭ كۇردەلىلىگىنە، ونىڭ ەنگىزىلۋ كولەمىنە، ودان تۇسەتىن ەكونوميكالىق كىرىس تە ەسەپتەلەدى.

  2017 جىلى راسيوناليزاتورلارعا 15 ميلليون تەڭگە سىياقى بەرىلسە، بيىلعى العاشقى توقساننىڭ وزىندە وسى ماقساتقا 3 ميلليون تەڭگە جۇمسالدى.

راسيوناليزاتورلارمەن كەزدەسۋ كەزىندە جاڭاشىلداردىڭ ءبىرقاتارى ءوز ويلارىن ورتاعا سالدى. قوستاناي ۆاگون پايدالانۋ دەپوسىنىڭ تەحنيكالىق قىزمەت كورسەتۋ بەكەتىنىڭ باستىعى مارات نۇرعالييەۆ، جەلىنىڭ اينالىپ وتەتىن «جەڭىن» قولدانۋدىڭ بالامالى نۇسقاسىن جاسادى.

«قتج-جۇك تاسىمالى» اق فيليالى – «قاراعاندى جۇك تاسىمالى بولىمشەسى» وندىرىستىك-تەحنيكالىق ءبولىمىنىڭ باستىعى اقىل ءبىلالوۆتىڭ ايتۋىنشا، وزدەرىنىڭ وندىرىستىك جاڭاشىلدىعى ارقىلى 49 ميلليون تەڭگەنىڭ ەكونوميكالىق تيىمدىلىگىنە قول جەتكىزدى.  ونىڭ تەحنيكالىق شەشىمى استانا-قىرقىنشى قۋما جولىنداعى كوپىر قۇرىلىسىن جۇرگىزۋ كەزىندە قولدانىلدى.

2017 جىلى «قتج» ۇك» اق قۇرىلىمدىق بولىمشەلەرى مەن ەنشىلەس كاسىپورىندارى بارلىعىن قوسقاندا 1167 راسيوناليزاتورلىق ۇسىنىستار وندىرىسكە ەنگىزىلدى.