بۇگىن، تۇركىستاندا احمەت ياساۋي ۋنيۆەرسيتەتىندە قازاقستان ماتەماتيكتەرىنىڭ «ماتەماتيكانىڭ وزەكتى ماسەلەلەرى» تاقىرىبىنداعى عىلىمي كونفەرەنسياسى ءوز جۇمىسىن باستادى.

27-28 ءساۋىر كۇندەرى وتەتىن عىلىمي شاراعا قازاقستاننىڭ بارلىق جوعارى وقۋ ورىندارى مەن عىلىمي-زەرتتەۋ ينستيتۋتتارىنىڭ عالىمدارى، عىلىم مەن تەحنيكا سالاسىنداعى مەملەكەتتىك سىيلىقتىڭ يەگەرلەرى، ق ر ۇعا-نىڭ  اكادەميكتەرى،  كوررەسپوندەنت-مۇشەلەرى،  عىلىم دوكتورلارى، پروفەسسورلار، عىلىم كانديداتتارى، دوكتورانتتار مەن ماگيسترانتتار قاتىسۋدا.

كونفەرەنسيانىڭ پلەنارلىق ماجىلىسىندە ق ر بعم عىلىم كوميتەتىنىڭ «ماتەماتيكا جانە ماتەماتيكالىق مودەلدەۋ» ينستيتۋتىنىڭ باس عىلىمي قىزمەتكەرى، ق ر ۇعا اكادەميگى ا.س.جۇمادىلدايەۆ «ءتورتقارا الگەبراسى»، ل.ن.گۋميليەۆ اتىنداعى ەۇۋ-دىڭ ەۋرازيالىق ماتەماتيكا ينستيتۋتىنىڭ ديرەكتورى، ق ر ۇعا اكادەميگى م.ءو.وتەلبايەۆ «ەينشتەين تەورياسىنىڭ پروبلەمالارى»، ق ر بعم عىلىم كوميتەتىنىڭ «ماتەماتيكا جانە ماتەماتيكالىق مودەلدەۋ» ينستيتۋتىنىڭ باس ديرەكتورى،  ق ر ۇعا اكادەميگى ت.ش.كالمەنوۆ «اپريورنىە وسەنكي رەشەنيي ۋراۆنەنيي ناۆە-ستوكسا مەتودوم پودۆيجنىح كووردينات»،  ل.ن.گۋميليەۆ اتىنداعى ەۆرازيا ۇلتتىق ۋنيۆەرسيتەتىنىڭ «ىرگەلى ماتەماتيكا» كافەدراسىنىڭ پروفەسسورى، ق ر ۇعا اكادەميگى و.ر.وينار ۇلى «ۆەسوۆوە نەراۆەنستۆو ي سۆويستۆا ودنوگو كلاسسا ديففەرەنسيالنىح ۋراۆنەنيي»،  اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پەداگوگيكالىق ءبىلىمدى دامىتۋ ورتالىعىنىڭ ديرەكتورى، ق ر ۇعا كوررەسپوندەنت-مۇشەسى ا.ە.ابىلقاسىموۆا    «سوۆەرشەنستۆوۆانيە مەتوديكو-ماتەماتيچەسكوي پودگوتوۆكي بۋدۋششەگو ۋچيتەليا ۆ ۋسلوۆياح رەاليزاسيي وبنوۆلەننوگو سودەرجانيا شكولنوگو وبرازوۆانيا»  تاقىرىبىندا بايانداما جاسادى. سونداي-اق، وسى ەسىمدەرى اتالعان عالىمدار جانە ق ر ۇعا اكادەميگى، قازاق-بريتان تەحنيكالىق ۋنيۆەرسيتەتىنىڭ پروفەسسورى س.ن.حارين، ق ر ۇعا كوررەسپوندەنت-مۇشەسى، پروفەسسور ب.ق.قادىر ۇلى قۇتتىقتاۋ ءسوز سويلەپ، كونفەرەنسيانى ۇيىمداستىرۋشىلارعا، وقۋ وردا باسشىلارىنا العىستارىن ءبىلدىردى.

كونفەرەنسيادا 6 سەكسيا جۇمىس جاساۋدا: ديففەرەنسيالدىق تەڭدەۋلەر؛ ماتەماتيكالىق فيزيكا تەڭدەۋلەرى؛ فۋنكسيالار تەورياسى جانە فۋنكسيونالدىق تالداۋ؛ الگەبرا، ماتەماتيكالىق لوگيكا جانە گەومەتريا؛ ماتەماتيكالىق جانە كومپيۋتەرلىك مودەلدەۋ، اقپاراتتىق     تەحنولوگيالار؛ قازىرگى زامانعى ماتەماتيكالىق ءبىلىمنىڭ وزەكتى ماسەلەلەرى.