«حابار» تەلەارناسى «1 مامىر - قازاقستان حالقىنىڭ بىرلىگى» كۇنىنە وراي مەرەكەلىك ەفير ازىرلەدى.  مەيرام كۇندەرى ارنا كورەرمەندەرى قىزىقتى باعدارلامالار مەن كونسەرتتىك جوبالار، كوركەم جانە دەرەكتى فيلمدەر تاماشالايدى دەپ جازادى Qamshy.kz اقپارات اگەنتتىگى. 

30 ءساۋىر كۇنى ساعات 10.30-دا قازاق كينوسىنىڭ التىن قورىنداعى جاۋھار تۋىندىلارىمىزدىڭ ءبىرى «تاقيالى پەرىشتە» جانە 1 مامىر كۇنى 10.30-دا «شاباندوز قىز» كارتينالارى كورسەتىلەدى.

سونداي-اق 30 ءساۋىر كۇنى ساعات 14.00-دە رەجيسسەر رۇستەم ءابدىراشوۆتىڭ «الماس قىلىش. قازاق حاندىعى» ءفيلمى، كەشكى ساعات 19.30-دا بەرىك ايتجانوۆ پەن جەرار دەپاردە باستى رولدەردى سومداعان، رەجيسسەر ەرمەك شىناربايەۆتىڭ «دالا داۋىسى» تۋىندىسى كورەرمەن نازارىنا ۇسىنىلادى.

30 ءساۋىر كۇنى ساعات 21.30-عا ەلباسى نۇرسۇلتان نازاربايەۆتىڭ قاتىسۋىمەن وتكەن «1 مامىر - قازاقستان حالقىنىڭ بىرلىگى»كۇنىنە ارنالعان مەرەكەلىك كونسەرت جوسپارلانعان.  

1 مامىر كۇنى ساعات 15.40-تا سلامبەك تاۋەكەلدىڭ «جەرۇيىق» ءفيلمى بەرىلەدى. درامادا ناۋبەت جىلدارىندا قازاقستانعا قيىر شىعىس، پوۆولجيا، كاۆكاز وڭىرلەرىنەن جەر اۋدارىلعان حالىقتاردىڭ تاعدىرى، ولاردىڭ باستان كەشكەن قيىن-قىستاۋ كۇندەرى مەن قازاق حالقىنا دەگەن العىسى  سۋرەتتەلگەن.

مەرەكە كۇندەرى 40 جىلعا جۋىق حالقىن انگە بولەگەن، قازاق ونەرىنىڭ دارابوز ءانشىسى نۇرلان ونەربايەۆتىڭ «جۇرەكتەگى كوكتەم» اتتى ءان كەشى (1 مامىر، 17.30)، سونداي-اق  قازاق ءۆالسىنىڭ كورولى ءشامشى قالداياقوۆتىڭ «كوكتەم ءانى» اتتى شىعارماشىلىق كەشى دە كورسەتىلەدى (1 مامىر، 21.30). ايتا كەتەيىك، جۋىردا عانا ءشامشى قالداياقوۆتىڭ بۇرىن-سوڭدى ەستىلمەگەن، ەش جەردە ورىندالماعان جاڭا ءانى تابىلدى. بۇل - «كوكتەم ءانى» شىعارماسى. كومپوزيتوردىڭ شىعارماشىلىعىنا ارنالعان كەشتە وسى ءان العاش رەت ورىندالىپ، «حابار» ارناسىنىڭ كورەرمەندەرى ەفيرلىك نۇسقاسىن ءبىرىنشى بولىپ كورەدى.