ماجىلىستە دەپۋتاتتار باستاماشى بولعان  گاز جانە گازبەن جابدىقتاۋ تۋرالى زاڭ جوباسى بويىنشا تۇزەتۋلەر ماقۇلداندى. بۇل جايىندا ق ر پارلامەنتى ءماجىلىسى اپپاراتىنىڭ باسپا ءسوز قىزمەتى مالىمدەدى.

ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا دەپۋتاتتار «گاز جانە گازبەن جابدىقتاۋ تۋرالى» زاڭ جوباسىنا تۇزەتۋلەردى ماقۇلدادى.

بۇل قۇجاتقا ءماجىلىس دەپۋتاتتارى وزدەرى باستاماشى بولعان ەدى. وعان سۇيىتىلعان مۇناي گاز نارىعىنداعى احۋال سەبەپ بولىپ وتىر. بۇل گازدى نەگىزىنەن ەلىمىزدىڭ تاۋارلىق گازبەن گازداندىرىلماعان وڭىرلەرىندەگى تۇرعىندار مەن كاسىپورىندار تۇتىنادى، سونداي-اق، كولىك قۇرالدارىنا پايدالانادى.

ءبىزدىڭ ەلىمىزدە اتالعان زاڭعا سايكەس، سۇيىتىلعان گازدىڭ بەكىتىلگەن شەكتى كوتەرمە ساۋدا باعاسى بۇگىنگى كۇنى، قوسىلعان قۇن سالىعىن ەسەپكە الماعاندا، تونناسى 38437 تەڭگەنى قۇرايدى. ۇسىنىلىپ وتىرعان زاڭ جوباسىنىڭ ماقساتى – سۇيىتىلعان مۇناي گازىن شىعارۋ كولەمىن ارتتىرۋعا وندىرۋشىلەردىڭ قىزىعۋشىلىعىن تۋدىرۋ ارقىلى سۇيىتىلعان مۇناي گاز تاپشىلىعىن بولعىزباۋ. ول ءۇشىن سيفرلاندىرۋ جانە بيزنەس ءۇشىن اكىمشىلىك كەدەرگىلەردى قىسقارتۋ بويىنشا جۇرگىزىلىپ جاتقان ساياسات شەڭبەرىندە شىعىنمەن جۇمىس ىستەپ وتىرعان زاۋىتتارعا سۇيىتىلعان مۇناي گازىن ىشكى نارىققا بەرۋدى ەنگىزگەننەن كەيىن ەلەكتروندىق ساۋدا الاڭدارى ارقىلى ولاردىڭ كىرىستىلىگىن قامتاماسىز ەتۋ كوزدەلگەن.

دەپۋتاتتار ازىرلەگەن تۇزەتۋلەر بۇل تەتىكتەردى 2019 جىلدان باستاپ، 2021 جىلعا دەيىن كەزەڭ-كەزەڭمەن ەنگىزۋدى قامتيدى.

جالپى وتىرىستا حالىق قالاۋلىلارى «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭعا تۇزەتۋلەر ەنگىزۋگە قاتىستى  كونستيتۋسيالىق زاڭ جوباسىن جۇمىسقا قابىلدادى. قۇجات جاڭا ينستيتۋتتاردى ەنگىزۋ، قۇقىقتىق ولقىلىقتار مەن قايشىلىقتاردى جويۋ ارقىلى سايلاۋ زاڭناماسىن جەتىلدىرۋگە باعىتتالعان. كونستيتۋسيالىق زاڭعا ۇسىنىلىپ وتىرعان تۇزەتۋلەر بارىنشا اشىق ءارى دەموكراتيالىق سايلاۋ پروسەسىن قامتاماسىز ەتۋگە ىقپال ەتپەك.

بۇل رەتتە سايلاۋ ماسەلەلەرى بويىنشا تۇزەتۋلەرگە قاتىستى زاڭ جوباسى دا جۇمىسقا الىندى.

وسى كۇنى ماجىلىستە ءبىرقاتار زاڭنامالىق اكتىلەر ەكىنشى وقىلىمدا ماقۇلداندى.  ونىڭ ىشىندە، كوممەرسيالىق ەمەس ۇيىمداردىڭ قىزمەتىنە قاتىستى زاڭ جوباسىن ەكىنشى وقىلىمعا دايىنداۋ بارىسىندا قولدانىستاعى زاڭناماعا، زاڭ تەحنيكاسى قاعيدالارىنا سايكەس كەلتىرۋگە باعىتتالعان رەداكسيالىق-ناقتىلاۋ سيپاتىنداعى تۇزەتۋلەر ەنگىزىلگەن.

ايتا كەتەرلىگى، «اتامەكەن» ۇلتتىق كاسىپكەرلەر پالاتاسىنىڭ  قۇرىلۋىن جانە جۇمىس ىستەۋىن قامتاماسىز ەتۋ ءۇشىن وسى زاڭ قولدانىسقا ەنگىزىلگەن كۇننەن باستاپ 5 جىلعا دەيىنگى وتپەلى كەزەڭ اتالعان زاڭمەن بەلگىلەندى، بۇل كەزەڭ وتكەننەن كەيىن ۇكىمەت ۇكپ قاتىسۋشىلارىنىڭ قۇرامىنان شىعادى.

وسىعان بايلانىستى ءماجىلىس دەپۋتاتتارى ۇكپ-نىڭ ۇكىمەتپەن جانە مەملەكەتتىك ورگاندارمەن ءوزارا ءىس-قيمىلىنىڭ جاڭا نىسانىن ەنگىزۋگە، وڭىرلىك پالاتالاردا اۋداندىق كەڭەستەر، سالالىق كەڭەستەر قالىپتاستىرۋ ءۇشىن قۇقىقتىق نەگىز قۇرۋعا، ۇكىمەت وكىلدەرىنىڭ ۇلتتىق كاسىپكەرلەر پالاتاسىنىڭ باسقارۋ ورگاندارى – سەزد جانە ءتورالقا جۇمىسىنا قاتىسۋى تۋرالى نورمانى الىپ تاستاۋعا قاتىستى تۇزەتۋلەر ۇسىندى.

سونداي-اق، وسى كۇنى پالاتا ساقتاندىرۋ جانە ساقتاندىرۋ قىزمەتىنە تۇزەتۋلەردى، سونىمەن قاتار، ۆاليۋتالىق رەتتەۋ جانە ۆاليۋتالىق باقىلاۋ تۋرالى جانە وعان ىلەسپە زاڭ جوبالارىن ەكىنشى وقىلىمدا ماقۇلدادى.

جالپى وتىرىستا 1992 جىلعى  6 شىلدەدەگى تمد ەكونوميكالىق سوتىنىڭ مارتەبەسى تۋرالى كەلىسىمگە وزگەرىستەر ەنگىزۋ تۋرالى حاتتاما دەپۋتاتتار تاراپىنان قولداۋعا يە بولىپ، قازاقستان مەن جۇڭگو ۇكىمەتتەرى اراسىنداعى ءبىزدىڭ ەلگە تىكەلەي ينۆەستيسيالار سالۋدى جۇزەگە اسىراتىن قىتاي-قازاقستان وندىرىستىك قۋاتتارىنىڭ ىنتىماقتاستىعى قورى  كىرىسىنىڭ جەكەلەگەن تۇرلەرىن سالىق سالۋدان بوساتۋ تۋرالى كەلىسىمدى راتيفيكاسيالاۋ بويىنشا بەيىندى كوميتەتتەرگە قورىتىندى ازىرلەۋ مەرزىمى بەلگىلەندى.