-بالام، تەليەۆيزوردى قوسا قويشى... ء-قازىر، اكە! «كەشە تۇندە بەلگىسىز بىرەۋلەر ءبىر وتباسىن تۇگەلدەي ءولتىرىپ، دۇنيە-مۇلكىن توناپ كەتتى» -نە بوپ كەتتى مىنا زامان؟ باسقا ارناعا اۋدارشى...
«تاۋ جاقتاعى ۇلكەن ءبىر عيماراتتى ءدىني اعىمدار ءوز مۇددەسىن ناسيحاتتايتىن ورىنعا اينالدىرعانىنا ون جىلدىڭ ءجۇزى بولىپتى» -قۇرىپ كەتسىن. سونى ەندى عانا بىلگەن بە بۇلار؟.. اۋدار تاعى! «قالا ىشىندە قارۋ-جاراق ساتۋمەن اينالىسقان قىلمىستىق توپ انىقتالدى» -اۋدارا بەر... «جەكە كولىگىمەن التى ادامدى باسىپ وتكەن ماس جۇرگىزۋشى اقتالدى!» -مىنە، كەرەك بولسا! -اۋدارايىن با؟ ء-يا! «كوشەدە جالعىز كەلە جاتقان وقۋشى قىزدى سوقتالداي ەكى جىگىت ۇرلاپ اكەتىپ...» ء-وشىر تەز. ءوشىر، بالام! قوش بول، قىزىققا تولى الماتى! ار ما، قىلمىسقا تولى الماتى!!!
