بريتانيانىڭ شەففيلد قالاسىندا "Astana Arlans" جانە "British Lionhearts" كوماندالارى اراسىندا بۇكىلالەمدىك بوكس سەرياسىنىڭ ءبىرىنشى جارتىلاي فينالدىق ماچى اياقتالدى.

بوكس كەشىن العاشقى بولىپ باستاۋ 49 كيلوگرامم سالماق دارەجەسىندەگى تەمىرتاس ءجۇسىپوۆ پەن گالال يافاۋعا بۇيىردى. تورەشىلەر جەڭىستى 2:1 ەسەبىمەن گالال يافاۋعا بەردى.

56 كيلوگرامم سالماقتا ارلانداردىڭ نامىسىن ءىلياس سۇلەيمەنوۆ قورعادى. ول قارسىلاسى بريتاندىق نايل دين فارەللمەن الاڭدا اتوي سالىپ، 3:0 ەسەبىمەن ايقىن باسىمدىقپەن جەڭدى.

جەرگىلىكتى بوكسشى دالتون گرانتپەن 64 كيلوگرامم سالماقتا قولعاپ تۇيىستىرگەن ءدىلمۇرات ءمىجىتوۆ تورەشىلەردىڭ شەشىمىمەن العا وزىپ، ارلاندارعا ەكىنشى جەڭىستى الىپ بەردى.

ورتا سالماقتاعى ءابىلحان امانقۇل بريتاندىق دجوردون رەينولدسپەن كۇش سىناسىپ، العا وزدى. امانقۇلدىڭ جەتىستىگى قازاقستاندىق كومانداعا «British Lionhearts» كومانداسىنان 3:1 ەسەبىندە باسىم ءتۇسىپ، العاشقى جارتىلاي فينالدىڭ جەڭىسىن سىيلادى.

اۋىر سالماقتاعى اربەك ابدىعانييەۆ شارشى الاڭدا چيەۆون كلاركپەن قولعاپ ءتۇيىستىردى. ناتيجەسىندە ءبىزدىڭ ارلان بريتان بوكسشىسىنا ەسە جىبەرىپ الدى.

وسىلاي «Astana Arlans» ءبىرىنشى جارتىلاي فينالدا «British Lionhearts» كومانداسى 3:2 ەسەبىمەن ۇتتى.

قوس كوماندا اراسىنداعى ەكىنشى جارتىلاي فينال 26 مامىردا اتىراۋ قالاسىندا وتەتىنىن ەستەرىڭىزگە سالامىز.