سينوپتيكتەر دۇيسەنبى، 21 مامىرعا ارنالعان اۋا-رايى بولجامىن جاريالادى، دەپ حابارلايدى Qamshy.kz اقپارات اگەنتتىگى، "كازگيدرومەت" - كە سىلتەمە جاساپ. 

"كازگيدرومەتتىڭ" حابارلاۋى بويىنشا، اتموسفەرالىق فرونتتاردىڭ وتۋىنە بايلانىستى قازاقستاننىڭ كەي جەرلەرىندە جاۋىن-شاشىن جاۋادى، نايزاعاي مەن جەلدىڭ كۇشەيۋى كۇتىلەدى. ال، وڭتۇستىك پەن شىعىستا تۇمان بولۋى ىقتيمال.

قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە نايزاعاي، جەلدىڭ كۇشى سەكۋندىنا 15-20 مەترگە دەيىن كۇشەيەدى، دەپ ەسكەرتتى ماماندار. جامبىل وبلىسىنىڭ كەي جەرلەرىندە تۇمان، شاڭدى داۋىل، جەلدىڭ كۇشى 15-20، ەكپىنى سەكۋندىنا 23 مەترگە دەيىن سوعادى.

وڭتۇستىك قازاقستان، قىزىلوردا وبلىستارىنىڭ كەي جەرلەرىندە جەلدىڭ كۇشى سەكۋندىنا 15-20 مەتر، شاڭدى داۋىل كۇتىلەدى. وڭتۇستىك قازاقستان وبلىسىنىڭ كەي جەرلەرىنە تۇمان تۇسەدى. باتىس قازاقستان، اقتوبە وبلىستارىنىڭ كەيبىر ايماقتارىندا نايزاعاي وينايدى. ال، شىعىس قازاقستان وبلىسىندا كەي جەرلەردە تۇمان، كۇندىز سەكۋندىنا 15-20 مەتر جەل سوعۋى مۇمكىن.