بۇگىن، 3-ناۋرىز كۇنى، كورەرمەننىڭ كوزايىمىنا اينالعان «سىرعالىم» سەريالىنىڭ جالعاسى «قازاقستان» تەلەارناسىنان كورسەتىلە باستايدى. «سىرعالىم» –  ول اكەسىنىڭ ەسكى دوسىنىڭ قىزىن ءوز وتباسىلارىنا قابىلداعان زاماناۋي قازاق وتباسىنىڭ ءومىرى تۋرالى سىر شەرتەدى. نەگىزگى ارەكەت بانك كەڭسەسىندە ءوربيدى: باس كەيىپكەر، ءبىر جاعىنان، مانسابىنا جەتۋ ءۇشىن ەڭبەك جولىن باستاسا، ەكىنشى جاعىنان، وتباسىن ساقتاپ قالۋعا بار كۇش جىگەرىن سالادى.

باس كەيىپكەردىڭ ءرولىن اكتريسا جۇلدىز ماحانوۆا سومدايدى. سيۋجەتكە سايكەس كورەرمەندەر تەلەحيكايانىڭ كەلەسى بولىمدەرىندە تەاتر جانە كينو اكتەرلەرى ليديا كادەنوۆا، ساكەن راقىشيەۆتار سومداعان جاڭا كەيىپكەرلەرمەن تانىسادى، شىتىرمان سيۋجەتكە ءتان ارام ويلار، كۇردەلى جەكە تۇلعالىق قاتىناستار مەن قۇپيالار وسى تەلەحيكايادا توعىسقان.

قويۋشى-رەجيسسەرى، سەناريي اۆتورى راشيد سۇلەيمەنوۆ «سىرعالىم» تەلەحيكاياسىن جاساۋشىلار يدەولوگيا فاكتورىنا كوپ ءمان بەرگەنىن اتاپ ءوتتى.

تەلەحيكايادا تابيعاتتا ءتۇسىرۋ بولجانباعانىمەن، بۇل فاكت ونىڭ تارتىمدىلىعىنا اسەر ەتپەيدى. ەكىنشى ماۋسىمدا 1000 كۆ.م. اۋداندا ورنالاسقان تاۋەلسىز قازاقستاننىڭ سەريال تاريحىنداعى ەڭ قىمبات دەكوراسيالار پايدالانىلدى. ءبىرىنشى ماۋسىمدى تاماشالاعان كورەرمەندەر ەكىنشى ماۋسىمنان تانىس پاۆيلوندى كورە المايدى. بارلىق دەكوراسيالار قايتادان جاسالدى.

تەلەحيكايا ورىس تىلىندەگى ىلەسپەلى جۇگىرتپە جولدار ارقىلى قازاق ءتىلدى جانە ورىس ءتىلدى اۋديوترياعا دا تەڭ دارەجەدە قولجەتىمدى بولادى.

2014 جىلدىڭ باسىندا كورسەتىلگەن «سىرعالىم»تەلەحيكاياسىنىڭ ءبىرىنشى ءبولىمى كۇن سايىن ميلليونعا جۋىق كورەرمەندەر اۋديتورياسىن جيناعان بولاتىن. تەلەنوۆەللا رەسپۋبليكا تاريحىندا تالاپ ەتىلگەن تەلەحيكايالاردىڭ تىزىمىنە ەندى. العاش رەت قازاق تىلىندەگى ءونىم ورىس تىلىندەگى رەيتينگتىك تەلەحيكايالار مەن باعدارلامالارعا باسەكەلەس بولا الدى. وتكەن ماۋسىمداعى 48 سەريالىق «سىرعالىم» قازاقستاندىق تەليەۆيزياداعى ەلەۋلى وقيعا بولدى.

تەلەحيكايا «2014 جىلعى ۇزدىك تەلەحيكايا» نوميناسياسىن يەلەنسە، باس ءرولدى سومداعان اكتريسا جۇلدىز ماحانوۆا «2014 جىلعى ۇزدىك اكتريسا» اتاندى.

«سىرعالىم» تەلەحيكاياسىنىڭ ەكىنشى ماۋسىمى «قازاقستان» تەلەارناسىنىڭ ەفيرىنەن 3-ناۋرىز كۇنى ساعات 21.50-دە كورسەتىلە باستايدى.