تووماس حەندريك يلۆەس 2006-2016 جىلدارى ەستونيانىڭ پرەزيدەنتى قىزمەتىن اتقارعان جانە  بۇگىنگە دەيىن اتالعان ەلدىڭ ەڭ تانىمال ساياساتكەرى. ساياساتكەر مامىردىڭ سوڭىندا ۋكرايناعا بارعان. ەۆروپەيسكايا پراۆدا گازەتى ول مۇمكىندىكتى جىبەرمەي، ەكس-پرەزيدەنتتى اڭگىمەگە تارتقان.

ساياساتكەرگە «رەسەيدەن ەستونياعا ءتونىپ تۇرعان ءقاۋىپ بار ما؟» دەپ ساۋال قويعان.

— اسكەري جاعىنان ءقاۋىپ جوق. جانە وعان ءبىزدىڭ ناتو-نىڭ قۇرامىندا بولۋىمىزعا باستى سەبەپ بولىپ وتىر. بەسىنشى باپ قاۋىپسىزدىكتى قامتاماسىز ەتەدى. ارينە، رەسەي ەستونياعا شابۋىل جاساي الادى. الايدا ول كەزدە رەسەي پەتەربوردى ايتپاعاندا، ومبى مەن تومسكتان ايىرىلادى. ولار ونى بىلەدى. باسقا قاۋىپ-قاتەرگە كەلەتىن بولساق، وندا، مەنىڭشە، 27 جىلدان بەرى ءجۇرىپ جاتقان مەنىڭ ەلىمنىڭ بەدەلىن ءتۇسىرۋ جونىندەگى ناۋقان ءالى كوزىن جويعان جوق. ال ۋكراينادا، ارينە، بۇل ماسەلەنى تۇسىنەدى، بىلەدى، ويتكەنى ۋكراينادا دا  «ناسىلدەر» جانە «حۋنتا» تۋرالى اڭگىمەلەرى بار. ول اڭگىمەنى رەسەي تاراتىپ وتىرادى. جانە بۇل وتە ءقاۋىپتى، - دەدى ول.