اقش پەن سولتۇستىك كورەيا ديپلوماتتارى 6 ماۋسىمدا وڭتۇستىك كورەيا مەن سولتۇستىك كورەيا شەكاراسىنداعى پحانمۋندجوم ەلدى مەكەنىندە سينگاپۋردە وتەتىن سامميتكە دايىندىقتى تالقىلاۋ ءۇشىن تاعى دا جۇمىس بابىمەن كەزدەستى.
وڭتۇستىك كورەيالىق Yonhap اگەنتتىگىنىڭ حابارلاۋىنشا، اقش دەلەگاسياسىن وسى ەلدىڭ فيليپپيندەگى ەلشىسى ءارى سولتۇستىك كورەيانىڭ يادرولىق باعدارلاماسى بويىنشا بۇرىنعى ارنايى وكىلى سون كيم، ال سولتۇستىك كورەيا دەلەگاسياسىن سىرتقى ىستەر ءمينيسترىنىڭ ورىنباسارى چحۆە سون حي باستاپ بارعان.
وسىعان دەيىن سولتۇستىك كورەيا مەن اقش وكىلدەرى سامميتكە دايىندىقتى پىسىقتاۋ ءۇشىن بەس رەت جۇمىس بابىمەن كەزدەسكەن.
اقش پرەزيدەنتى دونالد ترامپ وتكەن اپتادا 12 ماۋسىمدا سينگاپۋردە سولتۇستىك كورەيا باسشىسى كيم چەن ىنمەن كەزدەسەتىنىن راستاعان. ترامپ بۇعان قوسا ازىرگە سامميت كەزىندە قانداي دا ءبىر قۇجاتقا قول قويۋ جوسپارى جوعىن ايتقان. اقش پرەزيدەنتىنىڭ سوزىنشە، ول بۇدان بىلاي سولتۇستىك كورەياعا "بارىنشا قىسىم كورسەتۋ" تەرمينىن قولدانعىسى كەلمەيدى.
پىكىر قالدىرۋ