دينارا ششەگلوۆا 1982 جىلى شىعىس قازاقستان وبلىسى، سەمەي قالاسىندا دۇنيەگە كەلگەن.

2004 جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، 2007 جىلى — ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، 2012 جىلى — قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن ءتامامداعان.

ماماندىعى بويىنشا — مەنەدجمەنت، اقپاراتتىق جۇيەلەر باكالاۆرى.

ەڭبەك جولىن 2001 جىلى باستاعان. ءتۇرلى جىلدارى كوممەرسيالىق قۇرىلىمداردا ەڭبەك ەتكەن.

2008–2009 جىلدارى قر-داعى دۇنيەجۇزىلىك بانك وكىلدىگىندە كەڭەسشى قىزمەتىن اتقارعان.

2011 جىلدان باستاپ 2018 جىلعا دەيىنگى ارالىقتا — «زەردە» ۇلتتىق ينفوكوممۋنيكاسيالىق حولدينگى» اق باس مەنەدجەرى، اقپاراتتاندىرۋدىڭ سەرۆيستىك مودەلى دەپارتامەنتىنىڭ ديرەكتورى، باسقارۋشى ديرەكتورى، باسقارما ءتوراعاسىنىڭ كەڭەسشىسى لاۋازىمدارىن اتقارعان.

2018 جىلدىڭ قاڭتار ايىنان باستاپ قازىرگى تاڭعا دەيىن «زەردە» ۇيح» اق باسقارما ءتوراعاسىنىڭ ورىنباسارى قىزمەتىن اتقارعان.