الەۋمەتتىك جەلى ارقىلى انشىلەر، تانىمال ازاماتتار كۇندەلىكتى ومىرىمەن ءبولىسىپ وتىرۋ ارقىلى تابىنۋشىلارىن جوعالتپاۋعا تىرىسادى. ارينە، تانىمال ازاماتتىڭ ءومىرى قىزىقتارعا، ولاردىڭ كىمنەن قانداي سىيلىق العانى دا ماڭىزدى ەكەنى جاسىرىن ەمەس.
ايەلدەر مەرەكەسىنە وراي قاي جۇلدىزعا كىمدەر نە سىيلادى؟
ءانشى بەيبىت سەيدۋالييەۆا قىز-كەلىنشەكتەر مەرەكەسىنە وراي جارىنان وزدەرىنىڭ سۋرەتى سالىنعان جاستىقتى سىيعا العان. ارينە، تانىمال ءانشى توقتار سەرىكوۆ جارىنا جاستىقتان بولەك گۇل شوقتارىن سىيعا تارتقان.
ال ايتىسكەر اقىن اينۇر تۇرسىنبايەۆا توسىنسىيدىڭ استىندا قالعان سياقتى. سوڭعى ءۇش كۇندە جاقىندارى مەن تابىنۋشىلارىنان، قۇربىلارىنان ءبىرتالاي سىيلىق الىپتى. وزىنە قاتتى ۇناعانى، ۇلىمەن قىزىنىڭ ساعات ءتىلى ون ەكىدەن اسقاندا جاساعان توسىن سىيى ەكەن.
بۇدان بولەك ۇيقىسىنان ويانعاندا سۇيىكتىسى بولمەسىن گۇلگە تولتىرىپ قويىپتى. اينۇر تۇرسىنبايەۆا الەۋمەتتىك جەلىدەگى ەر ازاماتتارعا، ءوز سۇيىكتىلەرىنە وسىنداي سىي-قۇرمەت كورسەتۋگە كەڭەس بەرگەن ەدى.
ال ءانشى جانار دوعالوۆانىڭ وسى جىلى ايەلدەر مەرەكەسىندە ەڭ ەرەكشە سىيلىقتى ەل پرەزيدەنتىنەن الىپتى.
بەلگىلى پروديۋسەر ءقىدىرالى بولماننىڭ جارى ادەتتەگىدەي كۇيەۋى سىيلاعان گۇلدەرىن الەۋمەتتىك جەلىگە سالدى.
ال بەلگىلى تەلەجۇرگىزۋشى دينارا ءساتجان ۇلى قولدان تىككەن اسحانا قولعابىن سىيلاماعانىن ايتادى. ودان دا قولونەر تۋىندىسىن اجەسىنە سىيلاۋدى ءجون كورگەن بالا بۇل ارەكەتىن اناسىنىڭ اسحانادا كوپ ۋاقىت وتكىزبەيتىندىگىمەن ءتۇسىندىرىپتى.
ەسەسىنە، جاقىن ادامدارى مەرەكەلىك كوڭىل-كۇي سىيلاۋ ءۇشىن ءۇيدى قولمەن بەزەندىرىپ شىعىپتى.
ال ءانشى ديلناز احمادييەۆاعا كۇيەۋى تەڭىز جاندىكتەرىنەن جاسالعان ءتۇرلى تاعامداردى ءوزى ءپىسىرىپ بەرىپتى.
ءانشى ەركە ەسماحان دا مەرەكەدە سىيسىز قالماعانىن كورسەتتى. جانە ايەل كوڭىلىن كوتەرۋ ءۇشىن ءبىر قۇشاق گۇلدىڭ ءوزى جەتىپ جاتىر دەيدى.
ال ەڭ قىمبات سىيلىقتىڭ يەسى گۇلنۇر ورازىمبەتوۆا بولىپ وتىر. وعان ومىرلىك جارى ءوزى ويلاماعان سۋ جاڭا مىنا كولىكتى سىيعا تارتىپتى.
"كەشيۋ" توبىنىڭ بۇرىڭعى مۇشەسى ايدانا مادەنوۆا دا ءوز سۇيىكتىسىنەن مىناداي سىيلىقتار العانىن جاريالاعان.
