قايرات نۇرتاستى ساحناداعى ارىپتەستەرى  ەرەكشە قۇرمەتتەيتىنىن بايقايمىز. ويتكەنى "مەن" دەگەن قاي ءانشىنى ايتساق تا، قايراتپەن بىرلەسىپ ءان سالۋعا ءازىر تۇرادى .

ماسەلەن، بۇگىنگە دەيىن سىرىم يسابايەۆ، بۇركىت، جانار دۇعالوۆا، التىناي جورابايەۆا، اقبوتا كەرىمبەكوۆا، "نۇر-مۇقاسان" توبى، الىشەر قايرات ۇلى سەكىلدى انشىلەرمەن قايرات نۇرتاس دۋەت ايتقان. قايرات نۇرتاس ءوزىنىڭ جەكە كونسەرتىنە قازاق ەستراداسىنىڭ جۇلدىزدارىن وتە ءجيى شاقىرادى. ايتپاقشى، تەك قازاق انشىلەرىن عانا ەمەس، ول ءتىپتى شەتەلدىك انشىلەردى دە شاقىرىپ، ولارمەن بىرگە ءان شىرقاعانىن دا كوردىك. وزدەرىڭىزگە بەلگىلى، تاياۋدا عانا قايرات نۇرتاس بەلگىلى جاس ءانشى جانار دۇعالوۆامەن بىرگە ءان شىرقاپ، ءتىپتى بەينەكليپ تە ءتۇسىردى. ارينە، جاناردىڭ قايراتسىز دا شوۋ-بيزنەستە باعىندىرىپ جۇرگەن ءوز بيىگى بار. دەگەنمەن ەكى "جۇلدىزدىڭ" بىرىگىپ ءان سالۋىنا مۇمكىندىك تۋعىزعان ولاردىڭ پروديۋسەرلەرى بايان ماقسات قىزى مەن گۇلزيرا ايداربەكوۆا. وسىدان ءبىراز ۋاقىت بۇرىن قازاق شوۋ-بيزنەسىنىڭ "پاتشايىمى" بايان حانىمنىڭ ءوزى قايراتتى مويىندايتىنىن ايتقان بولاتىن. وسى ءسوزىنىڭ دالەلى رەتىندە اتالعان بەينەبايان جارىققا شىقتى. قايراتتىڭ قاراپايىمدىلىعى بولار ول وزىمەن بىرگە ءان ايتۋعا قولقا سالعان انشىلەردىڭ بەتىن قايتارمايتىن كورىنەدى. سونداي-اق ءوزى دە ارا-تۇرا انشىلەرگە بىرلەسىپ ءان سالۋعا ۇسىنىس ءبىلدىرىپ وتىرادى. جاقىندا قايرات ماقپال جۇنىسوۆامەن بىرلەسىپ كونسەرت بەرەدى. ءتىپتى قايراتپەن ءبىر ساحنادا ءان سالۋ تالاي ءانشىنىڭ ارمانى. ال قايراتتىڭ ارمانى - ەلباسىمەن بىرگە ءان شىرقاۋ. ءانشىنىڭ ايتۋىنشا، ونەردى، ءان-جىرد ى جانى سۇيەتىن پرەزيدەنت نۇرسۇلتان نازاربايەۆپەن ءان سالۋدى ارماندايدى ەكەن.