فۋتبولدان ارگەنتينا كومانداسىنىڭ شابۋىلشىسى ليونەل مەسسيدىڭ اناسى سەليا كۋچچيتتيني ۇلىنىڭ ايتىلعان قاتاڭ سىننان كۇيزەلىسكە تۇسەتىنىن ايتتى. بۇل جايىندا لەنتا.رۋ جازدى.

— ءبىز بارلىعىمىز سىننان كۇيزەلىسكە تۇسەمىز. كوپشىلىك ليونەلدى جاۋاپكەرشىلىگى جوق ادام دەپ ويلايدى، ءبىراق بۇل – جالعان.   ءبىز كورىپ جۇرگەندى  باسقا بىرەۋ كورسە، ولاي ويلاماس ەدى. ول قايعىرادى، ءتىپتى جىلايدى. سونىڭ بارلىعى ايتىلاتىن سىننىڭ سالدارى، – دەدى مەسسيدىڭ اناسى جۋرناليستەرگە.

ايتا كتەەيىك، فۋتبولدان الەم چەمپيوناتىنىڭ پلەي-وفف كەزەڭىنە شىققان كوماندالار قاراسى حورۆاتيامەن تولىقتى. "D" توبىنداعى ەكىنشى ويىندا شاقپاق جەيدەلى قۇراما ارگەنتينانى 3:0 ەسەبىمەن ويسىراتا ۇتتى.

ويىنداعى ءۇش گول دا ەكىنشى تايمدا سوعىلدى. 53 مينۋتتا قاقپاشى ۆيللي كابالەرو ويلاماعان جەردەن قاتەلەستى. دوپتى ءساتسىز قايتارىپ قانا قويماي، حورۆات ويىنشىسى رەبيچتىڭ اياعىنا سالىپ بەردى. فۋتبولشى دوپتى بىردەن قاقپاعا باعىتتاپ، گول سوقتى.