امەريكالىق عالىمدار يۋپيتەر عالامشارىنداعى ۇلكەن قىزىل اتموسفەرالىق قۇيىندىدا سۋ بار ەكەنىن انىقتادى. بۇل جايىندا Lenta.ru پورتالى شەتەلدىك باق-قا سىلتەمە جاساپ حابارلايدى.
زەرتتەۋشىلەر جەردەگى قۇرالدارمەن، سونىڭ ىشىندە NASA IRTF ينفراقىزىل تەلەسكوپىمەن جانە كەسك 2 تەلەسكوپىمەن قىزىل نۇكتەگە جۇرگىزىلگەن زەرتتەۋ ناتيجەلەرىن تالدادى. بەلگىلى بولعانداي، اتموسفەرالىق قۇيىندىنىڭ قۇرىلىمى ءۇش بۇلت قاباتىنان تۇرادى ەكەن: ونىڭ ەڭ تەرەڭ قاباتى 160 شاقىرىم تەرەڭدىكتە ورنالاسقان جانە 5-7 اتموسفەرالىق قىسىمعا يە. عالىمداردىڭ ايتۋىنشا، بۇل قاباتتى مۇزداتىلعان سۋ كريسستالدارىنان تۇرادى دەۋگە تولىق نەگىز بار.
ەگەر 2016 جىلدان باستاپ گازدى اتموسفەرانى زەرتتەپ كەلە جاتقان پلانەتاارالىق Juno اۆتوماتتى ستانسياسى بۇل بولجامداردى راستاسا، پلانەتانىڭ باسقا اتموسفەرالى جەرلەرىنەن دە سۋ ىزدەي بەرۋگە بولادى. سونىمەن قاتار، ساتۋرن، ۋران جانە نەپتۋن عالامشارلارىنان دا ىزدەۋگە بولادى.
