ق ر باس پروكۋراتۋراسى «بتا بانك» اق بۇرىنعى باسقارما ءتوراعاسى ەرجان تاتىشيەۆتىڭ ءولىمى بويىنشا مۇحتار ءابليازوۆقا قاتىستى سوتقا دەيىنگى تەرگەۋ جۇمىستارى اياقتالدى. بۇل تۋرالى ق ر باس پروكۋراتىسىنىڭ باسپا ءسوز قىزمەتى حابارلادى. 

2018 جىلدىڭ 17 تامىزىندا ءابليازوۆتىڭ ءىسى ق ر قىلمىستىق كودەكسى 28-باپتىڭ 3ء-بولىمى جانە 96 باپتىڭ 2ء-بولىمىنىڭ «ج، ز» پۋنكتتەرىنە سايكەس كۆاليفيسيالانعان.

باس پروكۋراتۋرا قىلمىستىق پروسەسسۋالدىق كودەكستىڭ 294-بابىنا سايكەس كۇدىكتى ءابليازوۆ پەن ونىڭ قورعاۋشىسىنا قىلمىستىق ءىس ماتەريالدارىمەن تانىسا الاتىنىن ابارلادى.

سونىمەن قاتار، قىلمىستىق-پروسەسسۋالدىق كودەكستىڭ 296-بابىنا سايكەس، كۇدىكتى تەرگەۋ ماتەريالدارىمەن تانىسا وتىرىپ ءوزى دە قوسىمشا ءوتىنىش بەرە الادى ءارى تەرگەۋ ارەكەتتەرىنە قاتىستى شەشىم قابىلداي الادى.

قىلمىستىق ىسپەن تانىسۋ پروسەسى 2018 جىلدىڭ 5 قىركۇيەگىندە مىنا مەكەن جاي بويىنشا وتەدى: الماتى قالاسى، بوگەنباي باتىر كوشەسى، 145 ءۇي (باس پروكۋراتۋرانىڭ الماتىداعى عيماراتى)

ايتا كەتەيىك، مۇحتار ءابليازوۆقا «ەرجان تاتىشيەۆتىڭ ءولىمىن ۇيىمداستىردى» دەگەن ايىپ تاعىلىپ وتىر. ايىپ راستالسا، ءابليازوۆ ءومىر بويىنا باس بوستاندىعىنان ايىرىلۋى مۇمكىن.