قالانىڭ ەنەرگەتيكا جانە كوممۋنالدى شارۋاشىلىق باسقارماسىنىڭ اقپاراتى بويىنشا قازىرگى كەزدە الماتىدا 79993 جارىق كوزدەرى ورناتىلعان. «ءقاۋىپسىز قالا» باعىتى بويىنشا جىل اياعىنا دەيىن 24000-نان استام جارىق كوزدەرى نەمەسە 31،5%-ى ەنەرگيا جيناقتاۋشى جانە ديودتى شامدارعا اۋىستىرىلادى.

قازىرگى كەزدە اۋەزوۆ اۋدانىندا 49،5 كم كوشە جارىعىنىڭ قۇرىلىس باستالدى. جىل اياعىنا دەيىن الاتاۋ اۋدانىندا سىرتقى جارىقتىڭ 24 كم جەلىسىن تارتۋ جوسپارلانعان.

ءقازىردىڭ وزىندە باعاناشىل، الاتاۋ، ەرمەنساي جانە نۇرلىتاۋ ەلدى مەكەندەرىندە 35،3 كم سىرتقى جارىق كوزدەرى ورناتىلعان. تۇركسىب اۋدانىنداعى بۇقتىرما، مايلين كوشەلەرى مەن قۇلجا تراكتىندە 9 كم سىرتقى جارىق كوزدەرى جۇمىس ىستەۋدە.

بۇلاردان وزگە، كەلەر جىلدان باستاپ تاعى 266 كم جارىق كوزدەرىن نەمەسە 8896 كوشە شامدارىن (11،5%) مودەرنيزاسيالاۋدىڭ جوبالىق- سمەتالىق قۇجاتتارى جاسالعان.

مەملەكەتتىك - جەكە ارىپتەستىك جوباسى اياسىندا قالانىڭ ەنەرگەتيكا جانە كوممۋنالدى شارۋاشىلىق باسقارماسى 2019 جىلدان باستاپ تاعى 1375 كم جارىق جەلىسىن نەمەسە 45829 كوشە شامدارى مەن 42052 جارىق دىڭگەكتەرىن جاڭارتۋدى جوسپارلاعان.

قالا باسقارماسىنداعىلار ديودتى جارىق شامدارىنىڭ ەلەكتروەنەرگياسىن پايدالانۋدى 30 پايىزعا قىسقارتىپ، قالا بيۋدجەتىنىڭ شىعىنىن ازايتاتىنىن، كوشە جارىعىنىڭ ساپاسىن جاقسارتاتىنىن مالىمدەدى. ونىڭ ۇستىنە ولاردىڭ پايدالانۋ مەرزىمى دە ۇزاق.