الماتى اكىمى باۋىرجان بايبەك قالانىڭ جاياۋ جۇرگىنشى جانە كولىك ينفراقۇرىلىمىن رەكونسترۋكسيالاۋ قارقىنىن جەدەلدەتۋدى تاپسىردى. جۇمىس ساپارى كەزىندە مەگاپوليس باسشىسى اباي الاڭىن قايتا جاڭعىرتۋ مەن تيميريازيەۆ كوشەسىندەگى BRT جەلىسىن سالىپ جاتقان مەردىگەرلىك ۇيىمداردىڭ جۇمىس قارقىنىنىڭ تومەندىگى مەن ساپاسىزدىعىن اتاپ كورسەتتى.

جۇمىس ساپارى بارىسىندا ول قالانىڭ قۇرىلىس باسقارماسىنا ون كۇن ىشىندە رەسپۋبليكا سارايىنىڭ الدىنداعى اباي الاڭىنا كەسپە تاستار توسەۋدە كەتكەن ولقىلىقتاردى قالىپنا كەلتىرۋدى تاپسىردى. بۇدان وزگە، قالانىڭ بارلىق قۇرىلىس الاڭدارىندا جۇرگىزىلىپ جاتقان جۇمىستارعا ءتيىستى باقىلاۋدى كۇشەيتۋ قاجەتتىگىن ەسكەرتتى.

«قازىرگى كەزدە قالانىڭ تەك تاريحي ورتالىعىن رەكونسترۋكسيالاۋ ءۇشىن ءۇش مىڭعا جۋىق جۇمىس ورنى قۇرىلدى، بارىنشا اۋقىمدى جۇمىستار اتقارىلدى. ارينە، ۋاقىت بارىنشا تىعىز، دەگەنمەن رەسپۋبليكا سارايى الدىنا توسەلگەندەي ساپاسىز جۇمىستىڭ قاجەتى جوق. بارلىعىن قايتا توسەڭدەر»، - دەدى باۋىرجان بايبەك.

ايتا كەتەرلىگى، بۇرىندارى ساپاسىز جۇمىستارى ءۇشىن بىرنەشە مەردىگەرلەرگە ايىپپۇل سالىنعان ەدى. قالا اكىمدىگىنىڭ كوميسسياسى كوشەلەردى اباتتاندىرۋ بويىنشا قۇرىلىس جۇمىستارىنىڭ بارىسىن تەكسەرىپ، مەردىگەرلىك ۇيىمدار اتىنا قاتاڭ ەسكەرتپەلەر جاساعان بولاتىن.