ەرلان اۋكەنوۆ شەتەلدەگى وقۋىن لوندونداعى ەكونوميكا جانە ساياسي عىلىمدار مەكتەبى ماگيستراتۋراسىن «قالالاردىڭ دامۋى» باعدارلاماسى بويىنشا بىتىرگەن سوڭ الماتى اكىمىنىڭ ورىنباسارى لاۋازىمىنا قايتا ورالدى.

وقۋ بارىسىندا ۋربانيزاسيا، قالا اگلومەراسياسىن قالىپتاستىرۋ، ەكونوميكالىق ايماق قۇرۋ، كولىك جۇيەسى مەن ينفراقۇرىلىمدى دامىتۋ،ولاردىڭ الەۋمەتتىك-ەكونوميكالىق پروسەسستەر مەن قالا ەكلوگياسىنا اسەرى بويىنشا ءدارىس الىندى. الەمنىڭ ۇساق جانە ءىرى مەگاپولسيستەرىندە «Green Economy» جانە «Resilient city»سىندى الەمدىك تاجىريبەنىڭ زاماناۋي كونسەپسيالارىن ەنگىزۋ ماسەلەلەرى زەرتتەلدى.

الماتى اكىمدىگىندە ەرلان اۋكەنوۆ كولىك، الەۋمەتتىك جانە حالىقتى ەڭبەكپەن قامتۋ، تج سالالارىنا باسشىلىق جاسايدى. بۇرىندارى ول ندۋستريالدى-يننوۆاسيالىق دامۋ، ساۋدا، شاعىن جانە ورتا بيزنەستى دامىتۋ ماسەلەلەرىن باسقارعان بولاتىن.

ول 2015 جىلدىڭ تامىز ايىندا الماتى اكىمىنىڭ ورىنباسارى بولىپ تاعايىندالعان ەدى. اراعا ەكى جىل سالىپ وقۋعا تۇسۋىنە بايلانىستى قىزمەتىنەن كەتكەن بولاتىن.

ءوز كەزەگىندە اكىمنىڭ ورىنباسارى مۇرات دارىبايەۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.

الماتى اكىمى باۋىرجان بايبەك مۇرات دارىبايەۆقا اتقارعان قىزمەتى ءۇشىن العىس ايتىپ، تابىس تىلەدى. سوڭعى جىلدارى ول ەڭبەك پەن الەۋمەتتىك قورعاۋ، قوعامدىق كولىكتى جاڭارتۋ، جولدى جوندەۋ مەن سالۋ سالالارىندا، سونىڭ ىشىندە برت جەلىسىن جۇزەگە اسىرۋدا اۋقىمدى جۇمىستار اتقاردى.