2018 جىلعى 28 تامىزدا قازاقستان رەسپۋبليكاسى قارجى مينيسترلىگى قازىناشىلىق كوميتەتىنىڭ الماتى قالاسى بويىنشا قازىناشىلىق دەپارتامەنتىندە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا ءىس قيمىل اگەنتتىگىنىڭ الماتى قالاسى بويىنشا دەپارتامەنتى جانە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى قالاسى بويىنشا دەپارتامەنتى وكىلدەرىنىڭ قاتىسۋىمەن سەمينار-كەڭەس وتكىزىلدى. اتالعان ءىس-شارادا تالقىلانعان باستى تاقىرىپتاردىڭ ءبىرى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل ىسىندەگى ايقىن وڭ ۇردىستەر، ولاردى كۇشەيتۋ جانە دامىتۋ، سونداي-اق مەملەكەتتىك قىزمەتتىڭ دامۋ كەزەڭدەرى مەن قازىرگى تاڭداعى جاعدايى تۋرالى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا ءىس قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باس مامانى ماديار البانبەكوۆ ءوز سوزىندە مەملەكەتتىك قىزمەت سالاسىندا جۇرگىزىلگەن رەفورمالاردىڭ ناتيجەسىندە سوڭعى 20 جىلدا ءبىزدىڭ ەل دۇنيەجۇزىلىك بانكتىڭ رەيتينگىندە «ۇكىمەتتىڭ تيىمدىلىگى» كورسەتكىشى بويىنشا 52 پوزيسياعا، ياعني 154-تەن 102ء-شى ورىنعا دەيىن كوتەرىلىپ، حالىقارالىق ستاندارتتارعا سايكەستىككە قول جەتكىزدى. سونىمەن بىرگە، مەملەكەتتىك اپپاراتتى جاڭعىرتۋ جالعاستىرىلۋدا. ودان ارعى باعدارلار «قازاقستان – 2050» ستراتەگياسى مەن «بولاشاققا باعدار: رۋحاني جاڭعىرۋ» باعدارلامالىق ماقالاسىندا بەلگىلەنگەندىگىن اتاپ كورسەتتى.

وتكىزىلگەن سەمينار-كەڭەس بارىسىندا قاتىسۋشىلار وزدەرىنىڭ قىزىعۋشىلىق بىلدىرگەن ماسەلەلەرى بويىنشا سۇراقتارىن قويىپ، جاۋاپتارىن الدى جانە سەمينار سوڭىندا ريزاشىلىقتارىن ءبىلدىردى.