قازاقستاننىڭ سىرتقى ساۋدا پالاتاسى وتاندىق تاۋار وندىرۋشىلەردى 2018 جىلعى 13-14 قاراشا ارالىعىندا سانكت-پەتەربۋرگ قالاسىندا وتەتىن ساۋدا-ەكونوميكالىق ميسسياسىنا قاتىسۋعا شاقىرادى.

ساپار بارىسىندا سانكت-پەتەربۋرگتىڭ ساۋدا-ونەركاسىپ پالاتاسىنىڭ الاڭىندا الەۋەتتى ساتىپ الۋشىلار مەن سەرىكتەستەردى ىزدەۋگە، وڭىرلەر اراسىنداعى ساۋدا بايلانىستارىن دامىتۋعا ارنالعان ىسكەرلىك بايلانىستار بيرجاسى وتكىزىلەدى.

قازاقستاندىق كومپانيالار ازىق-تۇلىك ونىمدەرىن، قۇرىلىس ماتەريالدارىن، ەلەكتر-تەحنيكالىق جابدىقتاردى، حيميالىق ونىمدەردى، فارماسيەۆتيكالىق پرەپاراتتار مەن جەڭىل ونەركاسىپ ونىمدەرىن شىعاراتىن سالالارداعى كاسىپورىندارمەن ۇسىنىلاتىن بولادى.

ءىس-شارا باعدارلاماسىندا ساۋدا-ەكونوميكالىق فورۋمعا قاتىسۋ، سانكت-پەتەربۋرگ پەن لەنينگراد وبلىسىنىڭ بيزنەس-توپتارىمەن ىسكەرلىك بايلانىستار وتكىزۋ، «پەتەرفۋد-2018» حالىقارالىق ازىق-تۇلىك كورمەسى مەن كاسىپورىندارعا بارۋ كوزدەلگەن.

وتەتىن ورنى: سانكت-پەتەربۋرگ ق.، چايكوۆسكيي ك-سى، 46-48، سانكت-پەتەربۋرگ ساۋدا-ونەركاسىپ پالاتاسىنىڭ عيماراتى، 2-قابات.

بايلانىسۋشى تۇلعا: دينارا جاڭبىربايەۆا، تەل.: +7 (7172) 279 616 (ىشكى 203)