پروكۋرور دارىگەرلەردىڭ جۇمىس كابينەتىندە ناماز وقۋى نامازحانانى زاڭسىز ۇيىمداستىرۋ بولىپ تابىلاتىنىن سوتتا دالەلدەي المادى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

كوكشەتاۋ اكىمشىلىك سوتى قۇقىق بۇزۋشىلىقتىڭ بولماۋىنا بايلانىستى نامازحان دارىگەرگە قاتىستى ءىستى توقتاتتى، سەبەبى وبلىستىق اۋرۋحانا مەملەكەتتىك مەكەمەگە جاتپايدى.

پروكۋراتۋرا  قازاقستان رەسپۋبليكاسىنىڭ "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسىنە سايكەس مەملەكەتتىك سەكتور مەملەكەتتىك مەنشىككە نەگىزدەلگەن ۇيىمداردان تۇراتىنىن، وعاناقمولا وبلىستىق اۋرۋحاناسى دا كىرەتىنىن العا تارتىپ، نارازىلىق ءبىلدىردى.  

پروسەسس كەزىندە دارىگەر ك. جۇمىس جۇكتەمەسىنە بايلانىستى بارلىق دارىگەر دەمالاتىن بولمەدە ناماز وقيتىنىن ءتۇسىندىردى. اۋرۋحانادا كەڭەسۋگە ارنالعان ورديناتورلىق بولمە بار. دارىگەردىڭ ەكى كۋاگەرى نامازدى مەڭگەرۋشىنىڭ بولمەسىندە نەمەسە ورديناتورلىق بولمەدە وقيتىنىن ايتتى.

اپەللياسيالىق سوت دارىگەرلەردىڭ كەڭسەدە وقىعان نامازىن نامازحانا ۇيىمداستىردى دەپ قاراستىرۋعا بولمايدى جانە جەرگىلىكتى اتقارۋشى ورگانداردا تىركەۋ قاجەت ەمەس دەپ تاپتى.

سوت كوكشەتاۋ اكىمشىلىك سوتىنىڭ شەشىمىن كۇشىندە قالدىرۋ تۋرالى قاۋلى شىعاردى.