تۇرىكمەنستاندا كەڭەستىك بيلىك بولعان كەزدە وداقتان شىعۋ ءۇشىن ەشقانداي ارەكەتتەر جاسالمادى. سسرو ىدىراعاننان كەيىن تۇرىكمەنستاننىڭ پرەزيدەنتى بولىپ ساپارمۇرات نيازوۆ قالدى. 1985 جىلى ول رەسپۋبليكانىڭ باسشىسى رەتىندە تاعايىندالىپ، ال 1992 جىلى بۇل ەلدىڭ پرەزيدەنتى قىزمەتىنە كىرىستى. بۇل تۇلعانىڭ جەكە باسى – ءوز اتىمەن اڭىز. ەڭ الدىمەن، ول – ستاندارتتى ەمەس شەشىمدەرىمەن تانىمال.

پرەزيدەنت بولا وتىرىپ، نيازوۆ بالەتتى، وپەرانى، عىلىم اكادەمياسىنىڭ كۇشىن جويدى. ول ءوزىنىڭ شەشىمىن ءبىر رەت لەنينگرادتا پارتيالىق مەكتەپتە وقىپ جاتقاندا «حانزادا يگور» وپەراسىنا بارعانىن، ءبىراق ەشتەڭە تۇسىنبەگەنىن جايىپ سالدى. ول تەك ءداستۇرلى تۇركىمەن مۋزىكاسىن ورىنداۋعا جانە تىڭداۋعا مۇمكىندىك بەردى. مەكتەپكە دەيىنگى ءبىلىم بەرۋ توعىز جىلعا قىسقارتىلدى، ال ەكىنشى وزگەرىس – دەنە شىنىقتىرۋ مەكتەپ باعدارلاماسىنان الىنىپ تاستالدى. سىرتتاي ءبىلىمنىڭ كۇشىن جويدى. تۇركىمەنباشى ايلاردىڭ اتاۋىن ءوزىنىڭ قۇرمەتىنە جاڭاشالادى. كوشەلەردىڭ ستاندارتتى اتاۋى الىنىپ، نومىرلەنە باستادى.

ءبىراز ۋاقىتتان كەيىن نيازوۆ تۇرىكمەنستاننىڭ استاناسىندا قالعان بارلىق كىتاپحانالاردى جاپتى. ەلدىڭ اۋرۋحانالارى دا سونداي كۇي كەشتى. قىسقاسى، ەمدەلۋ قاجەت بولسا، استاناعا بارادى جانە ەشكىم كىتاپتى وقىمايدى.

♦تۇرىكمەنستاندا تاعى دا نان جوق

تۇرىكمەنستاننىڭ مەملەكەتتىك اپپاراتىندا شەتەل ديپلومدارى بار بارلىق لاۋازىمدى ادامدار جۇمىستان بوساتىلدى. تۇرىكمەنباشى شەتەلدەگى بىلىمگە سەنبەدى. مەكتەپتەرگە مىندەتتى ءپان ەنگىزىلدى – رۋحناما. بۇل كىتاپتىڭ ءوزىن نيازوۆ جازعان بولاتىن. وندا ول تۇركىمەن حالقىنىڭ رۋحىن بارىنشا كوتەرمەلەدى. رۋحناما ارقاسىندا تۇرىكمەندەر اقساقالدارعا قۇرمەتپەن قاراۋدى، ۇرلىققا جاقىن بولماۋدى ماقسات تۇتتى. باسقا وقۋ پاندەرى رۋحناماعا سايكەس وقىتىلا باستادى. ەلدە نيازوۆقا تابىنۋشىلىق پايدا بولدى. تۇرىكمەن قالالارى مەن اۋىلدارىندا نيازوۆتىڭ التىن مۇسىندەرى پايدا بولدى. نيازوۆ الەۋمەتتىك سالادا ەڭ ۇلكەن وزگەرىستەرگە قول جەتكىزدى. ول زەينەتاقىلاردى الىپ تاستادى، مۇگەدەكتەرگە مۇگەدەكتەردىڭ ۇيلەرىنە كوشىپ كەتۋگە كەڭەس بەردى، ولار كوشەلەردىڭ سىرت كورىنىسىن «بۇزادى» دەپ ايتتى.

وسىنىڭ ءبارى 2006 جىلى نيازوۆتىڭ ولىمىنە دەيىن سوزىلدى. سودان كەيىن ەلگە قۇربانق ۇلى بەردىمۇحامەدوۆ باسشىلىققا كەلدى. تۇرىكمەنباشى رەفورمالاردىڭ كوبىن جويدى. الايدا مەملەكەت جابىق بولىپ جاتىر.

سوڭعى اقپارات بويىنشا، تۇرىكمەنستاندا حالىقتىق تاۋارلارمەن، اسىرەسە نانمەن، قامتاماسىز ەتۋ ۇلكەن پروبلەماعا اينالدى: بيىلعى جىلدىڭ كوكتەمىنەن باستاپ دۇكەندەردە تۇتىنۋشىلار ارنايى كىتاپتارعا جازىلادى جانە ءار ادامعا ەكى بولكە ناننان ارتىق ساتپايتىن بولىپتى. مۇنداي شەكتەۋ تەك نانعا عانا ەمەس، قالعان تاۋارلارعا دا قاتىستى. تۇرىكمەنستان بيلىگى ازىق-تۇلىك كارتوچكالارىن ەنگىزۋگە جاقىن. جوعارعى وقۋ ورىندارىندا بىرنەشە رەت اشتىقتان ستۋدەنتتەر ەسىنەن ايىرىلىپ قۇلاعان.

كەرىمسال جۇباتقانوۆ، تاريح عىلىمىنىڭ كانديداتى، قازاق-ورىس حالىقارالىق ۋنيۆەرسيتەتىنىڭ دوسەنتى