الماتىدا جانتۇرشىگەرلىك جول اپاتىنا كىنالىلەر ءالى ۇستاتپاي ءجۇر. تۋرا ءبىر اي بۇرىن التىن وردا بازارىنىڭ ماڭىندا جاياۋ جۇرگىنشى جولاعىمەن ءوتىپ بارا جاتقان كەلىنشەكتى جۇيىتكىگەن كولىك قاققان.

سوراقىسى سول، كىنالى ازامات قانسىراعان ايەلدى اۋرۋحاناعا اپارۋدىڭ ورنىنا، كولىگىنە سالىپ الىپ قوقىسقا تاستاپ كەتكەن. ءولىم مەن ءومىردىڭ اراسىندا جاتقان نۇرگۇل تۇرعىنبايەۆانى كەيىن پوليسەيلەر تاۋىپ الىپتى. جانتۇرشىگەرلىك وقيعا  تۋرا وسى جەردە بولعان. جوعارى جىلدامدىقپەن جۇيىتكىگەن كولىك، جاياۋ جۇرگىنشى جولاعىمەن ءوتىپ بارا جاتقان نۇرگۇل تۇرعىنبايەۆانى كەلىپ قاققان. سول كەزدە 5 مەترگە ءبىراق ۇشقان نۇرگۇل، بىردەن ەستەن تانىپ قالىپتى. ال، مىناۋ جاقىن ماڭداعى جانارماي بەكەتىنەن تۇسىرىلگەن تاسپا. وندا اق ءتۇستى كولىكتىڭ كەلىنشەكتى قاققانى انىق كورىنەدى. تەك، تىزگىندە بولعان 2 ازامات  جىگىتتىككە جات ارەكەت جاسادى. قىزدى “ءولدى” دەپ ويلاسا كەرەك، اۋرۋحاناعا اپارۋدىڭ ورنىنا قوقىسقا لاقتىرىپ كەتكەن. ءولىم مەن ءومىردىڭ ورتاسىندا جاتقان نۇرگۇلدى كەيىن پوليسەيلەر تاۋىپ الىپتى. “بارساق، قاسكەلەننىڭ اۋرۋحاناسىندا جاتىر ەكەن. رەانيماسيادا، ءالى وزىنە كەلمەگەن. باسى ءىسىپ كەتكەن. بەتتىڭ ءبارى سىرىلعان. قاققان ادام كولىگىن جاقىنداتا الماعان. سوعان دەيىن دىرىلداتىپ تارتىپ اپارعان عوي”، – دەيدى زارداپ شەگۋشىنىڭ تۋىسى گۇلسىم قارىمبايەۆا. نۇرگۇل ءالى اۋرۋحانادا جاتىر. بىرنەشە كۇن ەس-تۇسسىز جاتىپ، جاقىندا عانا تىلگە كەلگەن. ايتۋىنشا اپات بولاتىن كۇنى قالاعا تاماقتانۋعا بارا جاتىپتى. ال ودان كەيىنگىسى ەسىندە جوق. ەسىندە ەشتەڭە جوق ەكەنىن ايتادى. اۋرۋحاناعا اۋىر جاعدايدا جەتكىزىلگەن 34 جاستاعى كەلىنشەككە ءۇش وتا جاسالىپتى. ءقازىر ادام قاعىپ، ءىزىن سۋىتقاندارعا قاتىستى 2 قىلمىستىق ءىس قوزعالعان. تەك، ءبىر اي ۋاقىت وتسە دە كىنالىلەر ۇستاتپاي ءجۇر. نۇرگۇلدى اق ءتۇستى “حوندا وديسسەي” قاققان. وسى اپاتتى كورگەن بىلگەندەر بولسا، حابارلاسسىن دەيدى پوليسەيلەر. اپاتقا كىنالى ازامات قۇرىقتالسا اۋىر جازا كۇتىپ تۇر. ال نۇرگۇلگە ءالى ءبىراز ۋاقىت ەم الۋ كەرەك. دارىگەرلەر ونىڭ اياعىنان تۇرىپ كەتۋى ءۇشىن كەمى جارتى جىل ۋاقىت قاجەت دەيدى.