09 ناۋرىز. Qamshy.kz - بۇگىن استاناعا رسەمي ىس-ساپارمەن تۇركيا رەسپۋبليكاسى قۇرلىق اسكەري كۇشتەرىنىڭ باس قولباسشىسى حۋلۋس اكار كەلدى.

تۇركيا رەسپۋبليكاسى قۇرلىق اسكەرلەرىنىڭ باس قولباسشىسى حۋلۋس اكارمەن كەزدەسۋ بارىسىندا ق ر قورعانىس مينيسترلىگى باس شتابىنىڭ باسشىسى، گەنەرال-پالكوۆنيك ساكە جاسۇزاقوۆ قازاقستان مەن تۇركيا اراسىنداعى دوستىق پەن ىنتىماقتاستىقتىڭ ماڭىزدىلىعىن ايتا كەلە، ەكى ەل اراسىنداعى تاريحي، مادەني تامىرلاردىڭ تەرەڭدە جاتقانىن اتاپ ءوتتى.

قازاقستان مەن تۇركيا رەسپۋبليكاسى اراسىنداعى اسكەر بايلانىس ورناعالى ءبىراز جىلدىڭ ءجۇزى بولدى. ەكى ەلدىڭ جوعارى باس قولباسشىلارى اسكەري جوعارعى تەحنيكالاردى تاجىربيەدەن وتكىزۋدە، مودەرنيزاسيا جانە اسكەري قىزمەتكەرلەر اراسىندا تاجىربيە الماستىرۋ، اسكەري كۇشتەردى بىرىكتىرۋدە بىرلەسىپ شارالار اتقارىپ كەلەدى.

كەزدەسۋ بارىسىندا ەكى جاقتىڭ وكىلدەرى اسكەري ىنتىماقتاستىقتى ارتتىرۋ ماقساتىندا اسكەري ءبىلىم بەرۋ، قولباسشىلار مەن اسكەري قىزمەتكەرلەر الماسۋ، ۆززود جانە روتا كومانديرلەرىن تاجىربيە جيناقتاۋعا جىبەرۋ (لەيتەنانت جانە كاپيتان) ماسەلەلەرى ءسوز ەتىلدى.

سونداي-اق، كەزدەسۋ بارىسىندا تۇركيا رەسپۋبليكاسى قۇرلىق اسكەرلەرىنىڭ باس قولباسشىسى حۋلۋس اكارعا "ق ر قارۋلى كۇشتەرىنە 20 جىل" مەدالى تابىستالدى.

سونىمەن قاتار، تۇرىك دەلەگاسياسى 68665 اسكەري بولىمىندە قوناقتا بولىپ، قازاقستاننىڭ قارۋلى كۇشتەرى قاتارىنداعى ساربازارمەن كەزدەستى. سونان سوڭ، تۇرىك اسكەري دەلەگاسياسى استانانىڭ كورىكتى جەرلەرىن ارالاپ، "بايتەرەك" مونۋمەنتى، "حازرەتى سۇلتان" مەشىتى، جانە "ق ر ۇلتتىق مۇراجايىندا" ت.ب. تاماشالادى.

نۇرزات توعجان