مىناداي يتتىك جاساعان حايۋانداردى قالاي اقتاۋعا بولادى؟ مۇنى جاساعان سوۆەت ەلىنىڭ "ادامگەرشىلىگى بيىك" كوممۋنيستەرى. مۇنى جاساعان كوممۋنيستىك رەجيم. قاندى قول باسكەسەرلەردىڭ قاراپايىم حالىققا جاساعان قانىپەزەرلىگى فاشيستەردەن كەم تۇسكەن ەمەس. كوممۋنيستەردىڭ ءبارى ونداي بولعان جوق دەيتىن شىعارسىز؟ كەلىسەمىن. ءبىراق، بۇلاي تالداساق، اراسىندا جاقسى ادامدار بولعان ەدى دەپ فاشيستەردى قورعايتىن پىسىقتار دا تابىلادى. كۇلكىلى مە؟ مەنىڭشە تىم ايانىشتى... ەكەۋىن دە اقتاۋعا بولمايدى. حالقىمىزدىڭ جارتىسىن قىرعىنعا ۇشىراتقان وسى جۇيە ەمەس پە؟ 1937-38 جىلدارى قازاقتىڭ بۇكىل قايماعىن جۇتقان دا وسى جۇيە. سوۆەت پارتيزانى جاساعان زورلىق-زومبىلىقتىڭ دەرەگىنە ءشۇبا كەلتىرگەن پاتريوتتار مىنا سۋرەتكە دە سەنبەيتىن شىعار؟
ويدان شىعارىلعان ساندىراق دەپ... مەن تۇرار رىسقۇلوۆتىڭ تۋىسىمىن. 1937 مەن 1953 جىلدارى ارالىعىندا شاعىن اۋىلداعى ەركەك كىندىكتىڭ جارتىسىنا جۋىعى تۇرمەگە قامالىپ، "يتجەككەنگە" ايدالىپ كەتتى. بار كىناسى - تۇراردىڭ تۋىسقانى بولعانى. اكەم، 1942- 45 جىلدارى قارۋ اسىنىپ، قان مايداندا وتانىن قورعادى. سوندىقتان، بۇل ماسەلەگە ءبىر جاقتى قاراۋعا قۇقىم جوق. اكەم سوعىستا اسكەري بارلاۋشى بولىپ قىزمەت ەتىپتى. ول كىسى قاتىن-بالامەن ەمەس، سول كەزدەگى ورتاق وتانىمىزعا باس كوكتەپ كىرگەن دۇشپانمەن سوعىستى. مەن ول كىسىنىڭ ەرلىگىن ماقتان تۇتامىن. اقتى اق، قارانى قارا دەۋىمىز كەرەك. ءوز حالقىنىڭ جاندايشاپتارىنا ادۆوكات بولعىسى كەلەتىن ادامدى تۇسىنبەيمىن.
سەرىك اباس-شاح، Facebook پاراقشاسىنان
پىكىر قالدىرۋ