"قامشى" قورى وتكىزگەن حاندىعىمىزدىڭ مەرەيتويىنا ارنالعان كەشىن ەل تامسانا ءارى ريزا بوپ ايتىپ جاتىر.
سالقىن ءتيىپ، بارا الماي قالعانىم تۋرالى وسىندا جازعانمىن. ارينە، «الماتى» تەلەارناسىنىڭ سول كەشتى ەفيرگە شىعارسا دا (ونىسىنا دا راحمەت)، ەلگە ءقادىرلى ازاماتتاردىڭ بەينەلەرى مەن ماراپاتتالۋىن «قيىپ» تاستاعانى جارامادى. سەنزۋرا بولار. ءبىراق، پرەزيدەنتتى سىناپ نە وكىمەتكە ءتيىسىپ جاتقان جايت بولسا، «ءتۇسىنەر» ەدىم. ءبىراق، ىشىندە بيلىكتە جۇرگەنى بار، ودان تىس جۇرگەنى بار، كوبىنەسە ۇلتتىق مۇددە تۇرعىسىنان پىكىر ءبىلدىرىپ جۇرگەن اسىل ازاماتتاردى تەلەەفيرگە شىعارماۋدى ءوز باسىم ساياسي سوراقىلىق دەپ بىلەمىن. ياعني، بىزدەگى ب ا ق باسىندا بولاشاق سەپاراتيستەر وتىر دەگەن ءسوز! مەنىڭ ۇكىمەتتە ارىپتەسىم بولعان احمەتجان ەسىموۆ مىرزا ءوز تەلەارناسىندا نە بوپ جاتقانىن بىلە مە ەكەن وسى؟ ال مىناۋ بولسا، سول "قامشى" قورىنىڭ جەتەكشىسى قۋانىش ءبىلال باۋىرىممەن بىرگە تۇسكەن فوتو. مەندە ءبىر دە ءبىر مەملەكەتتىك ماراپات جوق ەكەن. ال قوعامدىق ماراپپاتتىڭ ورنى بولەك. مەدالىم مەن ماراپات قاعازىن "قامشى-نىڭ" كەڭسەسىنە ءوز اياعىممەن بارىپ، الىپ قايتتىم. ەندى بۇل مەدالدى سىيلى دا ءقادىرلى جەرگە بارعاندا مىندەتتى تۇردە تاعىپ جۇرەمىن.ءامىرجان قوسانوۆ، Facebook پاراقشاسىنان
پىكىر قالدىرۋ