اتىراۋ قالاسى تومارلى اۋىلىنداعى 2 اي بۇرىن جەرلەنگەن ازامات ۇيىنە ورالدى دەپ جازادى Qamshy.kz اقپارات اگەنتتىگى azh.kz سايتىنىڭ دەرەگىن نەگىزگە الىپ. 

20 ماۋسىمدا 63 جاستاعى ايعالي سۋپۋعالييەۆ ۇيدەن شىعىپ كەتىپ ءىز-تۇزسىز جوعالىپ كەتكەن. ول بۇرىن بىرنەشە اپتا بويى ۇيگە كەلمەي جۇرەتىن. سول سەبەپتى ايعاليدىڭ ءىنىسى 9 شىلدەدە عانا پوليسياعا اعاسىنىڭ جوعالىپ كەتكەنى تۋرالى ارىز جازعان. ايعالي سۋپۋعالييەۆتىڭ ءوز وتباسى جوق. اراعا ءبىراز ۋاقىت سالىپ پوليسيا قىزمەتكەرلەرى ايعاليدىڭ جاقىن تۋىستارىن ءمايىتحاناعا شاقىرادى. جاز مەزگىلىندەگى قاتتى ىستىقتىڭ كەسىرىنەن ءمايىتتى بىردەن تانۋ مۇمكىن بولمادى. الايدا دنق ساراپتاماسى 99،92 پايىزدى كورسەتىپ، ايعالي سۋپۋعالييەۆتىڭ قايتىس بولعانى راستالعان.

"ساراپتاما قورىتىندىسى قايتىس بولعان مەنىڭ اعام ەكەنىن راستادى. ءبىز ءمايىتتى ۇيگە اكەلىپ، مۇسىلمانشا جەرلەۋ ءراسىمىن وتكىزدىك. قايتىس بولعانى تۋرالى قۇجاتتى دا العان بولاتىنبىز. ال امانعالي ۇيگە كەلگەن كەزدە مەنىڭ قىزىم جۇرەك تالماسىنان ومىرىمەن قوش ايتىسا جازدادى"، دەيدى ايعاليدىڭ اعاسى.

ال ايعالي سۋپۋعالييەۆ ۇيدەن شىعىپ كەتكەننەن كەيىن دينا بازارىندا ءبىر اداممەن تانىسادى. ول قالا ماڭىنداعى شارۋاقوجالىقتا 4 اي جۇمىس ىستەۋگە شاقىرىپ، ۇسىنىس جاسايدى. امانعالي بىردەن كەلىسىپ، 4 اي جۇمىسىن اياقتاعان سوڭ ۇيگە قايتىپ ورالادى. ول اتىراۋ قالاسىنا دەيىن جاياۋ كەلگەن. ءقازىر امانعاليدىڭ تۋىستارى قۇجاتتاردى رەتتەپ، وزدەرى جەرلەگەن ادامنىڭ كىم ەكەنىن بىلگىسى كەلىپ وتىر.

ال دنق ساراپتاماسىن جۇرگىزگەن ساراپشى اقمارال جۇباتىروۆا بۇل جايت بويىنشا اقپارات بەرۋدەن باس تارتتى. ونىڭ ايتۋى بويىنشا، ءمايىتتىڭ ناقتى كىم ەكەنىن دنق ساراپتاماسىنىڭ ناتيجەسىمەن عانا انىقتاۋعا بولمايدى ەكەن.

"سەبەبى ساراپتاما ناتيجەسىندەگى راستالماعان 0،8 پايىزدى دا ۇمىتپاۋ كەرەك. ال ءقازىر مەنىڭ قانداي دا ءبىر اقپارات بەرۋگە قۇقىعىم جوق"، دەيدى ساراپشى.

ايعاليدىڭ تۋىستارى بۇل جايت بويىنشا سوتقى ارىز جازىپ، قۇجاتتاردى رەتكە كەلتىرۋدى جوسپارلاپ وتىر.