Kaspi بانكتىڭ باسپا ءسوز حاتشىسى ەربول ازانبەك الەۋمەتتىك جەلى ارقىلى تاراعان بانك تۋرالى اقپاراتتىڭ جالعان ەكەنىن مالىمدەدى. 

"Kaspi بانكروت بولادى، اقشالارىڭدى الىڭدار دەگەن اۋديو حابارلاما ءوتiرiك. بانك باسشىلارى ورنىندا. بانكتە ەش ماسەلە جوق. الداعى اپتا جاڭا ونىمدەردى تانىستىرۋعا دايىندالۋدامىز.  جالعان اقپاراتقا سەنبەڭىز. كەز-كەلگەن ماسەلەنى جاسىرماي ايتاتىنىمىزدى بىلەسىزدەر. رەسمي تۇردە بىزدە ءبارى دۇرىس ەكەنىن حابارلايمىن. الاڭداماڭىزدار. دەمالىستارىڭىز ءساتتى ءوتسىن"، دەپ جازادى ەربول ازانبەك ءوزىنىڭ فەيسبۋك پاراقشاسىنا. 

ايتا كەتسەك، Whatsapp الەۋمەتتىك جەلىسى ارقىلى Kaspi بانكتىڭ بانكروت بولعانى تۋرالى اقپارات تاراعان. 

"Kaspi بانك رەسمي تۇردە بانكروت بولعانىن حابارلادى. ءبىراق ازىرگە جاريالاعان جوق. باسشىلاردىڭ بارلىعى ەلدەن قاشىپ كەتتى. اقشالارىڭىزدى 2 ساعاتتىڭ ىشىندە شەشىپ الىڭىزدار"، دەلىنگەن حابارلامادا. 

ازىرگە اتالمىش اقپاراتتى كىمنىڭ تاراتقانى بەلگىسىز. 

ەسكە سالا كەتسەك، 16-17 قاراشا ارالىعىندا Kaspi جۇما ناۋقانى وتەدى.