ماسكەۋدە وتكەن كونگرەستە  حالىقارالىق اۋەسقوي بوكسشىلار  قاۋىمداستىعىنىڭ  (ايۆا) پرەزيدەنتى بولىپ عافۋر راحيموۆ سايلاندى. ال بۇل باسەكەگە سونىمەن قاتار، ازيا كونفەدەراسياسىنىڭ پرەزيدەنتى، ماسكەۋ وليمپياداسىنىڭ كۇمىس جۇلدەگەرى سەرىك قوناقبايەۆ تا قاتىسقان بولاتىن. الايدا ول وسى سايلاۋدا وزىمەن باسەكەلەس بولعان راحيموۆتان ۇىلىپ قالدى. كونگرەسكە كەلگەن 134 دەلەگاتتىڭ 86-سى عافۋر راحيموۆتى جاقتاپ داۋىس بەردى. ءسويتىپ ايۆا- پرەزيدەنتىنىڭ مىندەتىن اتقارۋشى بولىپ قىزمەت ىستەپ كەلە جاتقان وزبەك جەڭىسكە جەتتى. ول ەندى 2022 جىلعا دەيىن اتالعان قاۋىمداستىقتى باسقاراتىن بولادى.

ەسكەرتە كەتەيىك، سايلاۋعا بىرنەشە كۇن قالعاندا سەرىك قوناقبايەۆتىڭ تالاپ-ارىزى قاناعاتتاندىرىلعانى بەلگىلى. سپورتتىق اربيتراجدىق سوتى (CAS) وعان ايۆا پرەزيدەنتتىگىنە ۇمىتكەر رەتىندە قاتىسۋعا رۇقسات بەردى. ءبىراق..

وكىنىشكە قاراي، كونگرەسس دەلەگاتتارىنىڭ داۋىس بەرۋ كەزىندە قازاق بوكسشىسى از داۋىس جيناپ، ۇتىلىپ قالدى.