سوڭعى كەزدەرى الەمدىك اقپارات قۇرالدارىندا جانە الەۋمەتتىك جەلىلەردە بەيرەسمي "يراك-شام يسلام مەملەكەتى" اتالىپ جۇرگەن يشيم سودىرلارىنىڭ قاتارى ورتا ازيا ەلدەرى ازاماتتارىمەن تولىعىپ كەلە جاتقانى قىزۋ تالقىلانۋدا. وسى رەتتە ايتا كەتەتىنى، بۇۇ-نىڭ رەسمي ستاتيستيكاسىندا يشيم ساپىندا الەمنىڭ 129 مەملەكەتىنەن ازاماتتار سوعىسىپ ءجۇر دەپ كورسەتىلگەن. اسىرەسە، يشيم مايدانىنا اتتانۋشىلاردىڭ (جيھاد ەتۋشىلەر) سوڭعى لەگى تۇرىك شەكاراسى ارقىلى ءوتىپ جاتىر دەگەن اقپارات تارالا باستاعانىمەن، بۇل رەسمي مەكەمەلەر تاراپىنان راستالماعان بولاتىن. ەندى، مىنە، تۇركيالىق باسىلىمدار قوعامدا رەزونانس تۋدىراتىن اقپاراتتى جاريالاپ وتىر. كەشە تۇركيالىق AKTİF HABER باسىلىمىندا "جيھادشىلار سيرياعا تۇرىك پاسپورتىمەن بارۋدا" اتتى ماقالا جارىق كورگەن. ماقالادا سيرياداعى سودىرلاردىڭ قاتارىنا ورتا ازيادان اتتانۋشىلار تۋرالى تىڭ دەرەكتەر ايتىلعان. وسىعان وراي "قامشى" پورتالى تۇرىك تىلىندەگى ماقالانىڭ قازاقشا اۋدارماسىن نازارلارىڭىزعا ۇسىنادى.
يشيم سودىرلارىندا تۇرىك پاسپورتى
ءيشيم-نىڭ سيرياداعى سوعىس مايدانىنا سودىرلار جىبەرۋمەن اينالىساتىن جاسىرىن جۇيە تۇركيانىڭ ىستانبۇل قالاسىندا ورنالاسقان.
تۇرىك ءتولقۇجاتتارى ارقىلى تۇركيا شەكاراسىنا وتۋشىلەر ىستانبۇلدا ءبىر كۇن ايالداپ، ارتىنان سوعىس مايدانىنا جونەلتىلەدى. تۇركيالىق Meydan Gazetesi باسىلىمى ىستانبۇل قالاسىندا ورنالاسقان جالعان تۇرىك ءتولقۇجاتتارىن جاساۋمەن اينالىساتىن تەرروريستىك ۇيىمدى اشكەرەلەگەن.
تايلاند، مالايزيا جانە ىستانبۇل
قىتايدان يشيم ساپىنا قوسىلۋعا نيەت بىلدىرۋشىلەردەن 200 اقش دوللارى كولەمىندە تولەم الىنادى. وسىلايشا، جالعان تۇرىك ءتولقۇجاتىن العان قىتايدىڭ شىعىس بولىگەندەگى ۇيعىر ازاماتتار قىتايدان تايلاندقا، سوسىن كامبودجاعا قاشىپ كەلەدى. كامبودجادا از ايالداعان سوڭ، مالايزياعا اتتانادى. تۇركيا رەسپۋبليكاسى مەن مالايزيا اراسىندا ۆيزا جەڭىلدىگى بارىن جاقسى تۇسىنەتىن سودىرلار ۇشاق ارقىلى ىستانبۇلعا كەلىپ قونادى.
ىستانبۇلدا ءبىر كۇن
وسىلايشا ىستانبۇلعا جەتكەن سودىرلار ءيشيم-نىڭ الدىن-الا بەلگىلەپ قويعان قوناق ۇيلەرى، پانسيوناتارى نەمەسە جالدامالى پاتەرلەرىنە ءبىر كۇن قونىپ، ءيشيم-نىڭ سيريا مەن يراكتاعى مايداندارىنا جونەلتىلەدى.
100 مىڭ تۇرىك ءتولقۇجاتىنىڭ 50 مىڭى قىتايعا جونەلتىلگەن
2011 جىلدان بەرى جۇڭگو ۇيعىرلارىن تۇركيا جانە ەۋروپانىڭ ءبىرقاتار ەلدەرىنە تۋريست رەتىندە ەركىن اكەلىپ جۇرگەن ۇيعىر كاسىپكەرى ت. نۋرالي ەسىمدى ازامات ماسەلەنىڭ اق-قاراسىن اشىپ بەرگەن. ول 2011 جىلدان بەرى قاراي جالعان ءتولقۇجات جاساۋمەن اينالىسىپ كەلگەن. ارينە، جۇمىسىنىڭ اقىسى دا اۋىز تولتىرىپ ايتۋعا تۇرارلىق. ءنۋراليدىڭ ايتۋىنشا وسى ۋاقىتقا دەيىن ول 100 مىڭ تۇرىك ءتولقۇجاتىن جاساپ بەرگەن. ءولاردىڭ 50 مىڭنان استامى قىتايعا جىبەرىلگەن.
ارنايى يشيم سودىرلارى ءۇشىن ءنۋراليدىڭ ەسىمى ءارى جاسىرىن كود - ابباس. يشيم سودىرلارىنىڭ قىتايداعى وكىلدەرى وسى ۋاقىتقا دەيىن 50 مىڭنان استام تۇرىك ءتولقۇجاتىن ارنايى جاساتقان.
اۋدارعان نۇرگەلدى ءابدىعاني ۇلى
پىكىر قالدىرۋ