اسا ءىرى جەمقورلىق قىلمىس جاسادى دەپ ايىپتالعان بۇرىنعى قورعانىس ءمينيسترى سەرىك احمەتوۆتى ءۇي قاماقتا ۇستاۋ مەرزىمى 2015 جىلدىڭ 18 مامىرىنا دەيىن ۇزارتىلدى، دەپ حابارلادى “قازاقپارات”.
“مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جەدەل-تەرگەۋ توبى جەتەكشىسىنىڭ ءوتىنىشحاتى قاناعاتتاندىرىلدى. قىلمىستىق ىسپەن تانىسۋ ۇدەرىسىنە بايلانىستى سەرىك احمەتوۆتى ءۇي قاماقتا ۇستاۋ مەرزىمىن ۇزارتۋ تۋرالى سانكسيا بەرىلسىن”، – دەلىنگەن قاراعاندى قالاسى قازبەك بي اۋداندىق سوتىنىڭ سۋدياسى جاريا ەتكەن سوت قاۋلىسىندا.
وندا بەلگىلەنگەن ەكى ايلىق مەرزىمدە قىلمىستىق ءىس ماتەريالدارىنىڭ كولەمدى بولۋى تەرگەۋشىلەردىڭ تانىسىپ شىعۋىنا قيىندىق تۋعىزىپ وتىرعانى ايتىلعان.
