شقو، شەمونايحا اۋدانىنىڭ 19 جاستاعى تۇرعىنى كوشەدە جۇرگەن ءۇيسىز ادامدى، ياعني بومجدى ۇرىپ-سوعىپ ارتىنان تىرىدەي ورتتەپ جىبەرگەن.
جاس جىگىت پەرۆوماي اۋىلىنان گلۋبوكوە كەنتىنە جۇمىس ىزدەپ كەلىپتى. الايدا جۇمىس بەرۋشى ونى ماڭىنا دا جولاتپاعان. امالى تاۋسىلعان ول اشۋىن اششى سۋدان الماقشى بولىپ دۇكەننەن ءبىر شيشا اراق الادى دا، جول جەتىندەگى بەتونعا جايعاسا كەتەدى. سول ماڭايدا جەرگىلىكتى قاڭعىباس جۇرگەن بولاتىن. ەكەۋى اراقتى بىرگە ىشەدى.
الايدا وتىرىس ۇزاققا بارماعان سياقتى. وعان سەبەپ جاس جىگىتتىڭ قاڭعىباس ىشكەن ستاققانان اراق ىشكىسى كەلمەگەنىنەن بولعان. بومجدا دا نامىس بار، ول بوتەلكەلەسىنىڭ وزىنەن جيىركەنىپ تۇرعانىنا قورلانىپ، وعان رەنىشىن بىلدىرە باستاعان. اڭگىمەنىڭ ارتى توبەلەسكە ۇلاسىپ، جاس جىگىت ءوز قارسىلاسىن اپ-ساتتە تەپكىنىڭ استىنا الادى. قاڭعىباستىڭ باسىن بەتونعا سوعادى، ونى بوتەلكە شىنىسىنىڭ سىنىقتارىمەن تىلگىلەپ تاستايدى. ەس-تۇسسىز جاتقان ادامنىڭ كيىمىن ۇستىنە جاۋىپ وت قويادى دا، وقيعا ورنىنان تايىپ تۇرادى. ارتىنان ساراپتاما انىقتاعانداي، قاڭعىباستىڭ ءولىمى قاتتى وتقا كۇيۋ سالدارىنان بولعان. كۇدىكتى ەكى كۇننەن كەيىن قولعا ءتۇستى. شقو مامانداندىرىلعان سوتى قىلمىسكەردى 10 جىلعا باس بوستاندىعىنان ايىردى.
