بۇگىن "قامشى" پورتالىنىڭ جۋرناليستەرى قاراعاندى وبلىسىنداعى سەل تاسقىنىنان كەيىنگى احۋالدى بىلمەك بولىپ، قاراعاندى وبلىسىنىڭ تجد باسپا ءسوز قىزمەتىنە حابارلاستى. رەسمي ورگاننىڭ باسپا ءسوز قىزمەتىنەن جاۋاپ بولمادى. سودان وبلىس اكىمىنىڭ باسپا ءسوز قىزمەتىنە حابارلاستىق. اكىشىلىك قىزمەتكەرى ولگا كابارگينا حانىم بىزگە وبلىستىق "جۇمىلدىرۋ جۇمىسى جانە تقك ءبولىمىنىڭ رەسمي اقپاراتىن جەتكىزدى (وبلىستىق تجد اتالمىش ءبولىمنىڭ قۇرامىنا كىرەدى).

اباي اۋدانى

9 ءساۋىر كۇنى اباي اۋدانىندا كۇننىڭ كۇرت  جىلىنۋنان ايماقتا سەل ءجۇرىپ، 4 تۇرعىن ءۇي، 3 بالاباقشا جانە 1 اۋرۋحانا لايدىڭ استىندا قالىپ، جانە 4 تۇرعىن ءۇي جارىقسىز قالعان.  اتالمىش جەرگە تجد 19 تەحنيكا مەن 28 ادام كۇشى جۇمىلدىرىلعان.

10 ءساۋىر كۇنى "جۇمابەك" پلوتيناسى جارىلىپ، ايماقتا تولىقتاي توتەنشە جاعداي جاريالانعان. جۇمابەك كۋرمينسكيي اۋىلدىق وكرۋگىنىڭ  17 جەكە تۇرعىن ءۇيىن  سۋ شايىپ، قولدانۋعا جارامسىز حالگە تۇسكەن.  تجد 17 تەحنيكا مەن 90-عا جۋىق ادام كۇشىن جۇمىلدىرىپ، 61 اۋىل تۇرعىنى ءقاۋىپسىز ايماققا شىعارىلعان. سول كۇنى، الاپات سەل "جەزقازعان-قىزىلوردا" باعىتىنداعى رەسپۋبليكالىق تراسسا ارقىلى ايماقتىڭ باسقا دا وڭىرلەرىنە جايىلعان. وقيعا ورنىنا جەتكەن تجد قىزمەتكەرلەرى دامبىلار ورناتىپ، تۇرعىنداردى ءقاۋىپسىز ايماقتارعا كوشىرگەن. اتالمىش ايماقتاردا  زارداپ شەككەن تۇرعىندار تىركەلمەگەن. الايدا، تۇرعىنداردىڭ كەيبىرىنىڭ ۇيلەرى پايداناۋعا جارامسىز حالگە تۇسكەن.

سونداي-اق، "توپار" سۋ قويماسى جارىلىپ، قۇلايعىر اۋىلىندا -10 ءۇي، قوياندىدا -29 ءۇي، شەرەكتى وزەنىنىڭ بويىندا ورنالاسقان كھكسۋ اۋىلىندا -21 ءۇي توپان سۋدىڭ استىندا قالعان. ايماقتا تجد قىزمەتكەرلەرى جەتكەنشە 113 تۇرعىن سەل قورشاۋىندا قالىپ قويعان.

جالپى اباي اۋدانىنداعى سۋ تاسقىنىنان 3196 ادام ءقاۋىپسىز ايماقتارعا كوشىرىلىپ،  4179 مال باسى سۋدان شىعارىلعان.

اسقاروۆ اۋدانى

12 ءساۋىر كۇنى اسقاروۆ اۋدانىندا توتەنشە جاعداي جاريالانعان. ايماقتا ورنالاسقان بىرنەشە اۋىلدىق وكرۋگتەردى سۋ شايىپ، 51 تۇرعىن ءۇي سۋدىڭ استىندا قالعان. سونىمەن قاتار، 1710 ادام مەن 296 باس مال ءقاۋىپسىز ايماقتارعا شىعارىلعان. اسقاروۆ اۋدانىنداعى سۋدىڭ بيىكتىگى 30 سم-گە دەيىن جەتكەن.

نۇرا اۋدانى

11 ءساۋىر كۇنى نۇرا اۋدانىندا توتەنشە جاعداي جاريالانعان.  سەل سالدارىنان 18 جول ۋچاسكىلەرى زاقىمدانعان.  432 تۇرعىن سۋ شايعان ايماقتان شىعارىلىپ، 100-گە تارتا تجد قىزمەتكەرلەرى جۇمىس جاساۋدا. اتالمىش ايماقتاردا مەكتەپ، بالاباقشا، ارۋحانا سەكىلدى ءبىرقاتار الەۋمەتتىك مەكەمەلەر زاقىمدانعان. قازىرگى ۋاقىتتا تۇرعاندار وزگە ايماقتارداعى تۋىستارىنىڭ ءۇيىن پانالاۋدا. ال ايماقتا قالعان ەرىكتىلەردە قۇرالعان جاساقتار دامبى قۇرۋ، قاپقا توپىتاق تولتىرۋ سەكىلدى جۇمىستاردى اتقارۋدا.

تەمىرتاۋ قالاسى

9 ءساۋىر كۇنى تەمىرتاۋ قالاسىندا توتەنشە جاعدايلار دامبىلى قاعالعان. الايدا دابىل قاعىلعان مەزەتتە سەل جۇرمەگەن. تەمىرتاۋلىق تجد قىزمەتكەرلەرى ساقتىق شارالارى رەتىندە قالا بويىنشا دابىل بەلگىسىن قاققان.

10 ءساۋىر كۇرت قار ەرىپ، قالادا سەل جۇرگەن. وقيعا كەشكى ساعات 17:00 شاماسىندا بولعان. ءقاۋىپتى بارلىعى 865 ادام ءقاۋىپسىز ايماققا شىعارىلعان. ولاردىڭ 276-سى كىشكەنە نارەستەلەر بولعان.

شاحتينسك قالاسى

12 ءساۋىر كۇنى كەشكى ساعات 18:00 شاماسىندا شاحتينسك قالاسىندا توتەنشە جاعداي دابىل قاعىلعان. سەل تاسقىنى جۇرگەن ءقاۋىپتى اماقتان بارلىعى 135 ادام شىعارىلعان. ال 122 ادام ءوز ەركىتەرىمەن قالدان شىعىپ كەتسە، 45 ادام باسپانالارىن تاستاپ قاشۋدان باس تارتقان.

اتالمىش وڭىرلەردە كۇن رايىنىڭ كۇرت جىلىنۋىنان اۋا تەمپەراتۋراسى 29-30 گرادۋسقا دەيىن كوتەرىلگىپ،  سالدارىنان جيىنتىق قارلار مەن مۇزدار ەرىپ، وڭىرلەردە توتەنشە جاعداي جاريالانعان.  ق ر تجم  رەسپۋبليكا اۋماعىنداعى بارلىق تجب قىزمەتكەرلەرى دابىل قىزمەتى رەجىمىنە اۋىسقان.

نۇركەلدى ءابدىعاني ۇلى

"قاشمى" سىلتەيدى