ق ر ءبىلىم جانە عىلىم ءمينيسترى
ا.ءسارىنجىپوۆتىڭ نازارىنا!
بۇگىندە ق ر ءبىلىم بەرۋ سالاسىندا ءتۇيىنى تارقاماي جۇرگەن تۇيتكىلدى ماسەلەلەر از ەمەس. سولاردىڭ ىشىندە ءوزىنىڭ وزەكتىلىگى مەن ماڭىزدىلىعىن جوعالتپايتىن ءبىر ماسەلە - قازاق مەكتەپتەرىندەگى "ورىس ادەبيەتى" ءپانىنىڭ بعم بەكىتكەن ستاندارتتى مەكتەپ باعدارلاماسىنان تۇسپەي كەلۋى. بۇل ماسەلە الەۋمەتتىك جەلى قولدانۋشىلارى مەن ءبىرقاتار ب ا ق بەتتەرىندە قىزۋ تالقىلانىپ كەلەدى.
قازاق وقۋشىلارى ارنايى "ورىس ادەبيەتىن" وقۋعا مىندەتتى مە؟ ولار نە ءۇشىن ورىس ادەبيەتىن ارنايى ساعاتتار الىپ وقۋى كەرەك؟
وسى ساۋالعا جاۋاپ ىزدەۋ ءۇشىن "قامشى" پورتالى قازاق مەكتەپتەرىندە "ورىس ادەبيەتى" وقىتىلعانى دۇرىس پا؟ دەگەن ساۋالناما جاريالاعان بولاتىن.
ساۋالناماعا بارلىعى 1000-عا جۋىق ادام قاتىسقان. ساۋالناما شىنايى بولۋى ماقساتىندا ءبىر كومپيۋتەر ارقىلى (IP مەكەن-جايى) تەك ءبىر عانا ادام داۋىس بەرگەن. ساۋالناما قورتىندىسى كورسەتكەندەي داۋىس بەرۋشىلەردىڭ 400-دەن استامى ياعني 40 پايىزى "ورىس ادەبيەتى" ءپانىنىڭ ورنىنا "الەم ادەبيەتى" ءپانىن ەنگىزۋ كەرەك دەپ ەسەپتەيدى. سونداي-اق، 400-گە جۋىق داۋىس بەرۋشى(39 پايىز) قازاق مەكتەپتەرىندە "ورىس ادەبيەتىن" وقىتۋدى مۇلدەم دوعارۋ كەرەك دەگەن پىكىردە. ال 180 وقىرمان(20 پايىز) بعم-نىڭ ستاندارتتى باعدارلاماسىنداعى "ورىس ادەبيەتى" ءپانى ورتا مەكتەپ قابىرعاسىندا وقىتىلعانى دۇرىس دەپ ەسەپتەيدى ەكەن.
ءسويتىپ، مىڭ ادامنىڭ پىكىرى مىناعان سايدى. قازاق مەكتەپتەرىندە "ورىس ادەبيەتىن" ايرىقشالاپ وقىتۋ دۇرىس ەمەس، ونىڭ ورىنىنا "الەم ادەبيەتى" ءپانىن ەنگىزىپ، الەم ادەبيەتىنىڭ التىن جاۋھارلارىنىڭ اراسىنا ورىس كلاسسيكتەرىنىڭ دە شىعارمالارىن ەنگىزۋ كەرەك.
ايتپاقشى، 2 ميلليونعا جۋىق قازاق تۇراتىن كورشى رەسەيدە "قازاق ادەبيەتى" ءپانى تۇگىلى قازاق مەكتەبى جوق.
نۇرگەلدى ءابدىعاني ۇلى
