تۇعىرى بيىك تاۋەلسىزدىگىمىزدىڭ بيىل 27 جىلدىعى اتاپ وتىلمەكشى. الماتىداعى ەسەنتاي Mall جاڭا جىلدى تويلاۋعا دايىندىقتى باستاپ كەتسە دە، كوكىرەگى وياۋ قازاق تاۋەلسىزدىكتى تويلاۋعا كۇن ساناپ جۇرگەنى انىق. 16 جەلتوقسانعا تۋرا ءبىر اي قالعانىن ەسكەرە وتىرىپ قامشى رەداكسياسى فەيسبۋكتە ورىس تىلىندە جاريالانعان قوعام بەلسەندىسى گۇلجان ەرعالييەۆانىڭ جازباسىن مەملەكەتتىك تىلگە اۋدارىپ، تالقىعا ۇسىنادى.

گۇلجان ەرعالييەۆانىڭ فەيسبۋگىنەن:

تاۋەلسىزدىك مەرەكەسىنە دە كەلىپ جەتتىك. بۇل مەرەيلى داتانى اركىم ءارتۇرلى قابىلداۋى مۇمكىن. دەگەنمەن ورتاق ءبىر دۇنيە بار. ول ءبىزدىڭ مەملەكەت، حالىق ەكەندىگىمىز! دۇنيەجۇزىلىك قاۋىمداستىقتىڭ سۋبەكتىسىمىز!
كۇنتىزبەدە قىزىلمەن بەلگىلەنگەن مەرەكەلەر عانا مۇنى ەسكە سالمايدى. مىنەز-قۇلقىمىز، ار-نامىسىز، تاريحىمىز – بارىمىز دا، نارىمىز. وسى قۇندىلىقتار كوزىمىزدى شەل باسىپ، تۋرا جولدان اداسۋىمىزعا ءارقاشان بوگەت بولادى. 

قازاق حالقى ءجۇز جىلدا نەبىر قايعى-قاسىرەتتى باسىنان كەشتى. اشارشىلىق زۇلماتى، قۋعىن-سۇرگىن، ۇلت رەتىندە كەمسىتۋلەر... ءدال مىنانداي قورلىقتان كەيىن كەز كەلگەن باسقا حالىق ۇلت، مەملەكەت رەتىندە جويىلىپ تا كەتەر مە ەدى.  ءبىراق ءبىز السىزدەردىڭ قاتارىنان ەمەسپىز. وعان قازاق دەگەن اتىمىزدىڭ، زاتىمىزدىڭ الەمنىڭ تاريحي جاۋقازىندارىندا اتالۋى كۋا. ەندەشە كىمنەن جانە نەدەن قورقامىز؟

ەگەر ءبىز شىن مانىسىندە ازات ەل، تاۋەلسىز مەملەكەت بولساق، قيىندىقتى جەڭۋگە مىندەتتىمىز! بۇگىنگى اڭگىمە قىتايداعى قازاقتار حاقىندا. جۇڭگو اۋماعىندا تۇراتىن قانداستارىمىزدىڭ، مۇسىلمانداردىڭ باسىنداعى قايعى-مۇڭ وي-ساناعا اسەر ەتپەي قويمايدى. قازاعىمىزدىڭ قىتايعا اۋا كوشۋىنىڭ سەبەبى باياندالعان تاريحي قۇجاتتار جەتەرلىك. بابالارىمىزدىڭ بۇل كوشۋىن «قارالى كوش» دەگەنىمىز دۇرىس شىعار. سەبەبى باس ساۋعالاپ، قىتايعا بەت العان ولاردىڭ 30%-ى عانا امان-ەسەن دىتتەگەن جەرىنە جەتەدى.
...سول بابالاردىڭ بۇگىنگى ۇرپاعى تاريحي وتاننىڭ يەسى، ياكي بىزدەن كومەك سۇراپ، «ءبىزدى، جاقىندارىمىزدى قۇتقارا كورىڭدەر!» دەپ كوز جاستارىن كول قىلۋدا. وزگە ەلدە جاعدايى ۋشىعا تۇسكەن باۋىرلارىمىز بىزدەن كومەك سۇرايدى. ءتىپتى بالا-شاعالارىنا دەيىن قازاقستان حالقىنان جىلامسىراپ، جۇڭگو لاگەرىندە قايتا تاربيەلەنىپ جاتقان اكە-شەشەسىن امان الىپ قالۋ ءۇشىن كومەك قولىن كۇتەدى.
بۇۇ، جالپى الەم شىڭجانداعى مۇسىلمانداردىڭ مۇشكىل حال ماسەلەسىن كوتەرىپ جاتىر. دۇنيەجۇزىلىك ب ا ق شۋلاپ جاتىر! اقوردا الدىندا بالالار وتىر، نازاربايەۆقا جالىنىپ... ەندىگى كومەكتى كىمنەن جانە قالاي سۇراۋ قاجەت؟!

سوندىقتان دا بارلىق ساياسي پارتيالارعا جانە قازاقستاندىق قوعامعا ۇندەۋ تاستايمىن. بيىلعى تاۋەلسىزدىك مەرەكەسىن «قايتارۋ كوشى» دەگەن ۇرانمەن وتكىزەيىك! قايتالاپ وتەيىن، ەگەر ءبىز شىن مانىسىندە ازات ەل بولساق، قانداستارىمىزدىڭ قاۋىپسىزدىك ماسەلەسىن رەسپۋبليكالىق ماڭىزدى ماسەلە دەڭگەيىنە كوتەرىپ،  قىتايداعى قازاقتاردىڭ اتاجۇرتقا امان-ەسەن كوشۋى ءۇشىن قازاق-قىتاي كەلىسىمىن جاساسۋ ءۇشىن باسىمىزدى بايگەگە سالامىز. ءوز قازاعىمىزدىڭ قۇقىعى قازاقستان كونستيتۋسياسى بويىنشا قورعالۋى ءۇشىن... بۇل كەلىسىمنىڭ دەتالدارى، نورمالارى مەملەكەتتىك ورگانداردىڭ موينىندا بولسىن. باستىسى، 2018 جىلدىڭ 16 جەلتوقسانىندا بارشا قاۋىمدى قانداستارىمىزدىڭ جانايقايىنا قۇلاق ءتۇرىپ، ولارعا قولداۋ كورسەتۋدى نيەت ەتىپ كومەكتەسۋ ماقساتىندا نەشە ءتۇرلى حالىقتىڭ ءىس-شارالار وتكىزۋگە شاقىرامىن.

«نۇر وتان – نەگىزگى ءتۇبىرىڭ وتان عوي، ونىمەن قويماي، نۇرسىڭ! ەندەشە ساۋلەڭدى شاش، اينالاڭدى نۇرلاندىر! بۇگىن قىتايداعى 1،5 ميلليون قازاعىمىزدىڭ ەلگە ورالۋى ەرتەڭ 50 ميلليون قىسىق كوزدىڭ بىزگە ۇركە قاراۋىنا سەبەپ بولا الادى».