بۇگىن استاناعا تۇركيا رەسپۋبليكاسىنىڭ پرەزيدەنتى رەدجەپ تايىپ ەردوعان مەملەكەتتىك-رەسمي ساپارمەن كەلدى.
استانا اۋەجايىندا تۇركيادان كەلگەن مارتەبەلى قوناقتى ق ر سىرتقا ىستەر ءمينيسترى ەرلان ىدىرىسوۆ، ق ر ينۆەستيسيا جانە دامۋ ءمينيسترى اسەت يسەكەشيەۆ جانە ق ر تۇركياداعى وكىلەتتى ەلشىسى جانسەيىت تۇيمەبايەۆ قارسى الدى.
وسىدان بۇرىن حابارلاعانىمىزداي، ءساۋىردىڭ 16-سى كۇنى ەلوردادا قازاقستان رەسپۋبليكاسى پرەزيدەنتى نۇرسۇلتان نازاربايەۆ پەن تۇركيا رەسپۋبليكاسىنىڭ پرەزيدەنتى تايىپ ەردوعان اراسىندا ەكىجاقتى كەلىسسوزدەر وتەدى دەپ جوسپارلانعان بولاتىن.
كەزدەسۋلەر بارىسىندا ەكى ەل اراسىنداعى مادەني، ەكونوميكالىق ىنتىماقتاستىق، اسكەري بايلانىستار مەن ءبىرقاتار وزەكتى ماسەلەلەر قوردالانادى دەپ جوسپارلانۋدا.
ەسكەرتە كەتەتىنى، بۇل رەدجەپ تايىپ ەردوعاننىڭ تۇركيا پرەزيدەنتى رەتىندە قازاقستانعا تۇڭعىش كەلۋى بولىپ وتىر.
https://www.youtube.com/watch؟v=AJp9nOs74egسونداي-اق، ر.ت. ەردوعان مىرزا، قازاقستانعا رەسمي ساپارى بارىسىندا تۇركىستان قالاسىنا كەلىپ، ونداعى مادەني-اعارتۋشىلىق ورىنداردى ارالايدى دەپ كۇتىلۋدە. سونىمەن قاتار، تۇركىستان قالاسىندا ورنالاسقان ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە كەزدەسۋ ۇيىمداستىرىپ، تۇركى حالىقتارىنىڭ مادەنيەتىن دارىپتەيتىن وبەكتىنىڭ اشىلۋىنا قاتىسادى. ال ءوز كەزەگىندە، ۋنيۆەرسيتەت باسشىلىعى تۇرىك پرەزيدەنتىنە ق.ا.ياسساۋي ۋنيۆەرسيتەتىنىڭ قۇرمەتتى پروفەسسورى اتاعىن تاپسىرادى دەپ جوسپارلانعان.
نۇرزات توعجان
