| باعدارلامانىڭ اتاۋى | جۇمىسپەن قامتۋ 2020 جول كارتاسى |
| ازىرلەۋ ءۇشىن نەگىزدەمە | قازاقستان رەسپۋبليكاسىنىڭ پرەزيدەنتى – ەلباسى ن.ءا. نازاربايەۆتىڭ 2012 جىلعى 14 جەلتوقسانداعى «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى قازاقستان رەسپۋبليكاسى پرەزيدەنتىنىڭ قاتىسۋىمەن وتكەن 2013 جىلعى 23 قاڭتارداعى كەڭەستىڭ № 01-7.1 حاتتاماسى |
| ازىرلەۋگە جانە ىسكە اسىرۋعا جاۋاپتى مەملەكەتتىك ورگان | قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى |
| ماقساتتارعا، نىسانالى ينديكاتورلارعا، مىندەتتەرگە، ناتيجەلەر كورسەتكىشتەرىنە قول جەتكىزۋگە جاۋاپتى مەملەكەتتىك جانە وزگە دە ورگاندار | قازاقستان رەسپۋبليكاسى اۋىل شارۋاشىلىعى مينيسترلىگى، قازاقستان رەسپۋبليكاسى ءبىلىم جانە عىلىم مينيسترلىگى، قازاقستان رەسپۋبليكاسى مادەنيەت جانە سپورت مينيسترلىگى، قازاقستان رەسپۋبليكاسى ەنەرگەتيكا مينيسترلىگى، قازاقستان رەسپۋبليكاسى ينۆەستيسيالار جانە دامۋ مينيسترلىگى، قازاقستان رەسپۋبليكاسى ۇلتتىق ەكونوميكا مينيسترلىگى، قازاقستان رەسپۋبليكاسى قارجى مينيسترلىگى، وبلىستاردىڭ، استانا جانە الماتى قالالارىنىڭ اكىمدەرى |
| باعدارلاما ماقساتى | جۇمىسپەن تۇراقتى جانە ناتيجەلى قامتۋدى ۇيىمداستىرۋ، جۇمىسسىزدىقتى قىسقارتۋ ارقىلى حالىقتىڭ ءال-اۋقاتىن ارتتىرۋعا جاردەمدەسۋ |
| باعدارلامانىڭ مىندەتتەرى | ءوزىن-وزى جۇمىسپەن قامتىعان، جۇمىسسىز جانە حالىقتىڭ نىسانالى توپتارىنا كىرەتىن ادامداردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ؛ كادرلىق الەۋەتتى، ونىڭ ىشىندە قازاقستان رەسپۋبليكاسىن يندۋستريالىق-يننوۆاسيالىق دامىتۋ جونىندەگى 2015 – 2019 جىلدارعا ارنالعان مەملەكەتتىك باعدارلامانى ىسكە اسىرۋ ءۇشىن كادرلىق الەۋەتتى دامىتۋ؛اتاۋلى الەۋمەتتىك كومەك كورسەتۋ جۇيەسىن جەتىلدىرۋ. |
| باعدارلامانى ىسكە اسىرۋ مەرزىمدەرى جانە كەزەڭدەرى | 1-كەزەڭ – 2013 – 2015 جىلدار2-كەزەڭ – 2016 – 2020 جىلدار |
| نىسانالى ينديكاتورلار | جۇمىسپەن قامتۋ 2020 جول كارتاسىندا قويىلعان مىندەتتەردى ىسكە اسىرۋ بارىسىندا مىناداي ناتيجەلەرگە قول جەتكىزۋ جوسپارلانىپ وتىر:2016 جىلعا قاراي:كەدەيلىك دەڭگەيى 6،0 %-دان اسپايتىن بولادى؛ جۇمىسسىزدىق دەڭگەيى 5،2 %-دان اسپايتىن بولادى؛ ءوزىن-وزى جۇمىسپەن قامتىعان حالىقتىڭ جالپى سانىنداعى ناتيجەلى جۇمىسپەن قامتىلعانداردىڭ ۇلەسى 64،5 %-عا دەيىن ۇلعايادى. 2020 جىلعا قاراي ناتيجەلەرگە قول جەتكىزۋ ينديكاتورلارى جۇمىسپەن قامتۋ 2020 جول كارتاسىنىڭ ءبىرىنشى كەزەڭى اياقتالعاننان كەيىن ايقىندالاتىن بولادى. |
| قارجىلاندىرۋ كوزدەرى جانە كولەمى | جۇمىسپەن قامتۋ 2020 جول كارتاسىن ىسكە اسىرۋعا رەسپۋبليكالىق بيۋدجەتتە: 2015 جىلعا – 37،7 ملرد. تەڭگەكەلەسى جىلدارى باعدارلامانى قارجىلاندىرۋ كولەمى قازاقستان رەسپۋبليكاسىنىڭ زاڭناماسىنا سايكەس رەسپۋبليكالىق بيۋدجەتتى ءتيىستى جوسپارلى كەزەڭگە قالىپتاستىرۋ كەزىندە ناقتىلاناتىن بولادى. |
- باعدارلامانىڭ ماقساتى
- جۇمىسپەن تۇراقتى جانە ناتيجەلى قامتۋعا جاردەمدەسۋ، جۇمىسسىزدىق دەڭگەيىن تومەندەتۋ ارقىلى حالىقتىڭ ءال-اۋقاتىن ارتتىرۋعا جاردەمدەسۋ.
- باعدارلامانىڭ مىندەتتەرى
- باعدارلامانىڭ نەگىزگى مىندەتتەرى:
1) ءوزىن-وزى ناتيجەسىز جۇمىسپەن قامتىعان، جۇمىسسىز جانە حالىقتىڭ نىسانالى توبىنا كىرەتىن ادامداردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ؛ 2) كادرلىق الەۋەتتى، ونىڭ ىشىندە قازاقستان رەسپۋبليكاسىن يندۋستريالىق-يننوۆاسيالىق دامىتۋ جونىندەگى 2015 – 2019 جىلدارعا ارنالعان مەملەكەتتىك باعدارلامانى ىسكە اسىرۋ ءۇشىن كادرلىق الەۋەتتى دامىتۋ. 3) اتاۋلى الەۋمەتتىك كومەك كورسەتۋ جۇيەسىن جەتىلدىرۋ. باعدارلامانى ىسكە اسىرۋ وقىتۋعا جانە جۇمىسقا ورنالاسۋعا جاردەمدەسۋگە، اۋىلدا كاسىپكەرلىكتى دامىتۋعا جاردەمدەسۋگە جانە ەڭبەك رەسۋرستارىنىڭ ۇتقىرلىعىن دامىتۋعا باعىتتالعان.
- باعدارلامانى ىسكە اسىرۋ مىناداي باعىتتار بويىنشا جۇزەگە اسىرىلادى:
1) ينفراقۇرىلىمدى جانە تۇرعىن ۇي-كوممۋنالدىق شارۋاشىلىعىن دامىتۋ ارقىلى جۇمىسپەن قامتۋدى قامتاماسىز ەتۋ؛ 2) اۋىلداعى جەكە كاسىپكەرلىك باستامانى قولداۋ جانە تىرەك اۋىلداردى كەشەندى دامىتۋ ەسەبىنەن اۋىلدا كاسىپكەرلىكتى دامىتۋعا جاردەمدەسۋ ارقىلى جۇمىس ورىندارىن قۇرۋ؛ 3) جۇمىس بەرۋشىنىڭ ناقتى سۇرانىسىن ەسەپكە الا وتىرىپ، وقىتۋ جانە جۇمىسقا ورنالاستىرۋعا جانە قونىس اۋدارۋعا جاردەمدەسۋ.
- باعدارلامانىڭ ىسكە اسىرىلۋىن باسقارۋدى:
رەسپۋبليكالىق دەڭگەيدە: 1) قازاقستان رەسپۋبليكاسىنىڭ ۇكىمەتى جانىنداعى باعدارلامانى ىسكە اسىرۋ جونىندەگى ۆەدومستۆوارالىق كوميسسيا (بۇدان ءارى – ۆاك)؛ 2) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى (بۇدان ءارى – باعدارلاما وپەراتورى)؛ وبلىستىق (استانالىق، رەسپۋبليكالىق ماڭىزى بار قالا) دەڭگەيدە – باعدارلامانى ىسكە اسىرۋ جونىندەگى وڭىرلىك كوميسسيا (بۇدان ءارى – وڭىرلىك كوميسسيالار) جانە جۇمىسپەن قامتۋ ماسەلەلەرى جونىندەگى ۋاكىلەتتى ورگاندار؛ اۋداندىق (قالالىق) دەڭگەيدە – باعدارلامانى ىسكە اسىرۋ جونىندەگى اۋداندىق (قالالىق) كوميسسيا (بۇدان ءارى – اۋداندىق (قالالىق) كوميسسيالار)، جۇمىسپەن قامتۋ ماسەلەلەرى جونىندەگى ۋاكىلەتتى ورگاندار مەن حالىقتى جۇمىسپەن قامتۋ ورتالىقتارى؛ كەنت، اۋىل جانە اۋىلدىق وكرۋگتەر دەڭگەيىندە – كەنتتەردىڭ، اۋىلدار مەن اۋىلدىق وكرۋگتەردىڭ اكىمدەرى جۇزەگە اسىرادى. تاراپتاردىڭ قۇقىقتارى مەن مىندەتتەرىن ايقىندايتىن الەۋمەتتىك كەلىسىمشارتتار باعدارلامانى ورىنداۋدى ۇيىمداستىرۋدىڭ ماڭىزدى قۇرالى بولىپ تابىلادى.
- باعدارلاماعا قاتىسۋشىلار
- جۇمىسسىز، ءىشىنارا جۇمىسپەن قامتىلعان، تابىسى از، ءوزىن-وزى جۇمىسپەن قامتىعان ادامدار قاتارىنداعى قازاقستان رەسپۋبليكاسىنىڭ ازاماتتارى، سونداي-اق ورالماندار جانە قاتىسۋ باسىمدىلىعى باعدارلامادا بەلگىلەنگەن ازاماتتاردىڭ وزگە دە ساناتتارى باعدارلاماعا قاتىسۋشىلار بولىپ تابىلادى.
- باعدارلاماعا قاتىسۋ ءۇشىن باسىم قۇقىق مىناداي ساناتتارعا:
1) وقۋدى اياقتاعاننان كەيىن ءۇش جىل ىشىندە جالپى ءبىلىم بەرۋ مەكتەپتەرىنىڭ 9، 11-سىنىپتارىن، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىن بىتىرۋشىلەردى جانە وقۋشىلارىن قوسا العاندا، جيىرما توعىز جاسقا دەيىنگى جاستارعا؛ 2) ون سەگىزدەن جيىرما توعىز جاسقا دەيىنگى بالالار ءۇيىنىڭ تاربيەلەنۋشىلەرىنە، جەتىم بالالار مەن اتا-اناسىنىڭ قامقورلىعىنسىز قالعان بالالارعا؛ 3) ەڭبەك قىزمەتىمەن اينالىسۋ ءۇشىن دەنساۋلىق جاعدايى بويىنشا قارسى ايعاقتارى جوق مۇگەدەكتەرگە؛ 4) اۋىلدى جەرلەردە تۇراتىن ايەلدەرگە؛ 5) زەينەتكەرلىك جاسقا جەتكەنگە دەيىن 50 جاستان اسقان ادامدارعا؛ 6) جالپىعا بىردەي بەلگىلەنگەن زەينەتاقى جاسىنا دەيىن زەينەتكەرلىككە شىققان زەينەتكەرلەرگە؛ 7) اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) ءقاۋىپتى جۇمىستاردا بۇرىن ىستەگەن جانە مەملەكەتتىك جاردەماقىلاردى الۋشى بولىپ تابىلاتىن ادامدارعا؛ 8) قازاقستان رەسپۋبليكاسىنىڭ قارۋلى كۇشتەرى قاتارىنان بوساتىلعان ادامدارعا؛ 9) باس بوستاندىعىنان ايىرۋ ورىندارىنان جانە (نەمەسە) ءماجبۇرلى ەمدەۋدەن بوساتىلعان ادامدارعا؛ 10) جۇمىس بەرۋشى – زاڭدى تۇلعانىڭ تاراتىلۋىنا، جۇمىس بەرۋشى – جەكە تۇلعا قىزمەتىن توقتاتقانعا نەمەسە قىزمەتكەرلەر سانىنىڭ نەمەسە شتاتىنىڭ قىسقارتىلۋىنا بايلانىستى جۇمىستان بوساتىلعان ادامدارعا بەرىلەدى. باعدارلاماعا قاتىسۋشىلاردىڭ قۇرامىنا ەنگىزۋ كەزىندە دايەكسىز دەرەكتەر ۇسىنعان ادامدار باعدارلاماعا قاتىسۋشىلار قۇرامىنان شىعارىلادى جانە مەملەكەتتىك قولداۋ شارالارىن كورسەتۋگە جۇمسالعان مەملەكەتتىك شىعىستار سومالارىن بيۋدجەتكە ءوز ەركىمەن، ال باس تارتقان جاعدايدا – سوت تارتىبىمەن وتەيدى. الماتى قالاسى مەدەۋ اۋدانى تەلەفونى: 279-58-77
الماتى قالاسىنىڭ مەدەۋ اۋدانىبويىنشا مەملەكەتتىك كىرىس باسقارماسى، جاستار تاجىريبەسى بويىنشا ەڭبەككە تارتۋ باعدارلاماسى مەدەۋ اۋدانىنىڭ حالىقتى جۇمىسپەن قامتۋ ورتالىعى ارقىلى جۇمىس ىستەپ تۇرعانىن حابارلايمىز.
